Wiele2Wiele

In hierdie week se episode van Wiele2Wiele word daar passievol gesels oor Alfa Romeo wat die pragtige nuwe Tonale bekendgestel het. Baic se Beijing X55 beïndruk, hulle leer interessante feite by die ‘Ford Driving Skills for Life’-dag en hulle toets KTM se elektriese SX-E 5-motorfiets. Wiele2Wiele op Facebook · Wiele2Wiele op Maroela Media

Hierdie week vier Wiele2Wiele die 50ste bestaansjaar van Porsche Design. Dit was die bekendstelling van Mahindra se splinternuwe XUV700 en hulle spandeer tyd met Kia se pragtige nuwe Sportage. Wiele2Wiele op Facebook · Wiele2Wiele op Maroela Media

Hierdie week het Wiele2Wiele ‘n Waku Doki-glimlag met Toyota se nuwe GR86. Hulle beleef die nuwe Citroën C5 Aircross en bring tyd deur met Nissan se nuwe Qashqai. Hulle gee raad oor hoe ver jy kan ry wanneer jou brandstofliggie begin brand en die 2022 South African Rally-Raid Championship-kampioen is bekroon. Wiele2Wiele op Facebook · Wiele2Wiele op Maroela Media

Hierdie week gaan ry Wiele2Wiele met die opgeknapte Toyota Corolla Sedan en die Toyota Hatch (luikrug), maar met hulle jongste weergawe van die petrol-elektriese hibriede dryfstelsel. Hulle ervaar ook Toyota se RAV4 Plug-In Hybrid wat jy nog nie kan koop nie, maar daar is ’n paar in die land as ’n marknavorsingsoefening. Hulle deel baie interessante nuus van Volkswagen SA en gaan ry ook met Volvo se XC60 T8 Recharge Plug-In Hybrid. Vir die wenk van die week, verduidelik hulle hoe al hierdie hibriede tegnologie werk en gesels vir 2Wiele oor Ducati wat die MotoGP kampioenskap gewen het, na ’n droogte van 15 jaar. Wiele2Wiele op Facebook · Wiele2Wiele op Maroela Media

Hierdie week gaan ry Wiele2Wiele met die opgeknapte Hyundai Venue, kry hoendervel oor Audi se vyfsilinder RS3-sedan en vat die langpad met Volkswagen se Tiguan Allspace. Hulle gesels ook oor ’n onvergeetlike driedaagse avontuur saam met General Tire deur die Wildekus. Wiele2Wiele op Facebook · Wiele2Wiele op Maroela Media

Hierdie week vir Wiele2Wiele word daar teruggegaan in tyd en nostalgies geraak oor Toyota se ikoniese 2000GT en ’n 007-ster. Hulle gee vir jou ’n voorsmakie van Baic se Beijing X55, praat met ’n dinamiese vrou by getWorth en kry hoendervel as hulle sien wat nou in hierdié motorhuis staan. Wiele2Wiele op Facebook · Wiele2Wiele op Maroela Media

Hierdie week in Wiele2Wiele – daar was hope aksie by die Kyalami-renbaan tydens die grooste BMW M Fest ter wêreld en die span het meer tyd met Honda se Civic RS deurgebring. Dit was ook die laaste ronde van die Toyota Gazoo Racing SA GR Cup tydens die Extreme Festival-renne by die Zwartkops-renbaan en die seisoen het vir Jeanette op ’n hoogtepunt afgesluit met goeie resultate. Wiele2Wiele op Facebook · Wiele2Wiele op Maroela Media

Hierdie week gesels Wiele2Wiele oor Volkswagen se vinnigste Golf nog, die Golf R, en hulle ervaar ook die nuwe Tiguan R. Ons spandeer tyd met Kia se nuwe sewestiplek-Sorento, hoor wat daar gesê word oor die nuwe generasie Ford Everest, gesels oor afwaartse-druk en ook met ’n jongman, Neil van der Vyver, wat Suid-Afrika in Finland verteenwoordig het. Wiele2Wiele op Facebook · Wiele2Wiele op Maroela Media

Hierdie week vier Wiele2Wiele Porsche Cayenne se 20 jaar en spandeer tyd met die nuwe Jeep Grand Cherokee L. Hulle probeer die vraag beantwoord oor hoekom voertuie deesdae so dieselfde lyk en vir 2Wiele bring hulle vir jou al die jongste nuus uit die bedryf. Wiele2Wiele op Facebook · Wiele2Wiele op Maroela Media

Wiele2Wiele gaan ry hierdie week met die VW Taigo wat deel vorm van Volkswagen se sportnuts-familie en hulle spandeer ook tyd met Honda se pragtige nuwe Civic RS-sedan. Hulle gesels oor ’n nuwe Dunlop-band wat vir jou baie goeie klouvermoë sal gee, gaan hoor watter seswielvoertuig by die AAD opslae gemaak het en gesels oor die jongste 2Wiele-nuus. Wiele2Wiele op Facebook · Wiele2Wiele op Maroela Media