في آخر حلقة من الموسم الثاني من بودكاست من النهاردة، هناخد لحظة هدوء مع التأمل. دقايق بسيطة لكن تأثيرها كبير على حب النفس وتقديرها. إزاي تدي لنفسك حقها؟ إزاي تهدي أعصابك وتخلق مساحة لنفسك بعيد عن الضغوط؟ حلقة خفيفة لكن مهمة لكل واحد محتاج يفكر في نفسه الأول.

في الحلقة السابعة والقبل الأخيرة من الموسم التاني من بودكاست من النهاردة هنراجع كل اللي اتكلمنا عنه طول الموسم.

وهنجاوب على أسئلتكم ورسائلكم، وهناقش فيها أهم علاقة وهي علاقتنا بنفسنا.. العلاقة اللي بتحدد كل حاجة تانية في حياتنا زي إزاي نتقبل نفسنا؟ إزاي نحط حدود؟ إزاي نوازن بين الطموح والراحة؟ وليه لازم نتعلم نستمتع بالوحدة؟

وكمان هنتكلم عن واحدة من أكتر العلاقات اللي أثارت جدل بينكم… علاقة البنات الولاد بحماتهم! إزاي تتحول العلاقة دي من توتر لصداقة؟

في الحلقة السادسة من الموسم الثاني من بودكاست من النهاردة هنتكلم عن واحدة من أصعب القرارات اللي ممكن حد يواجهها: إنهاء العلاقات.

ليه أحيانًا بنحس إن العلاقة لازم تنتهي؟ هل الحب والتفاهم كافيين للاستمرار؟ إزاي نعرف إن القرار ده هو الحل الصحيح؟

حنان البهي بتشاركنا رؤيتها عن اللحظة اللي بيقرر فيها حد إنه يمشي، عن التراكمات اللي بتوصلنا لنقطة اللاعودة، وعن الطريقة الصحية لإنهاء العلاقة بدون خسائر نفسية كبيرة.

في الحلقة الخامسة  من بودكاست من النهاردة هنتكلم عن علاقة الأهل بأولادهم، علشان هي علاقة أعمق من مجرد صلة الدم، لكنها مزيج من الحب والتوجيه والتفاهم والاحترام المتبادل. في الحلقة دي هنتكلم عن المبادئ الأساسية اللي بتبني علاقة متوازنة بين الأهل وأولادهم

الخصام والصلح جزء لا يتجزأ من أي علاقة، لكن فين مكان التضحية بينهم؟ في حلقة النهاردة من هنتكلم عن مفهوم التضحية، وإزاي نميز بين التضحية اللي بتنبع من حب صادق، والتضحية اللي بنقدمها بس عشان نكسب حب حد تاني

في حلقتنا النهارده هنناقش كومبو مهم جدًّا، الكومبو ده هو فن التواصل في العلاقات، وفي نفس الوقت إزاي نحافظ على العلاقات اللي بتبقى عن بُعد.

ترند مهم ومنتشر اليومين دول هو كلمة “نرجسي”، ليه حصرنا كلمة نرجسي في الراجل؟ في حلقة النهاردة في بودكاست من النهاردة هنتكلم عن النرجسية بس من الناحية الأنثوية. 

الراجل والست.. لكل واحد فيهم احتياجاته المختلفة، لكن في نفس الوقت فيه احتياجات مشتركة بتجمعهم. في حلقة النهاردة من بودكاست من النهارده هنتكلم عن الفروق دي، ونعرف إيه اللي بيدور في عقل كل طرف، وإزاي يقدروا يفهموا بعض بشكل أفضل.

الحلقة الافتتاحية للموسم التاني من بودكاست من النهاردة، واللي هيكون عن العلاقات بكل أنواعها مش الراجل والست بس.  من النهاردة بودكاست تطوير الذات من إعداد وتقديم الكاتبة ومدربة تطوير الذات ومدربة التنفس/ حنان البهي، ومن إنتاج ذا بوتكاست بروداكشنز.

في الحلقة المميزة دي عالية خفاجة بتستضيف الكاتبة حنان البهي، مدربة التنفس ومقدمة بودكاست من النهاردة، وبتتكلم معاها عن مفهوم التوازن في الحياة، وإزاي المرأة تحقق حياة متوازنة وسط ضغوط الأدوار الكتير، وبتكشف لينا حنان أسرار حب الذات، وإزاي نبني نظرة إيجابية للحياة رغم سرعتها وتحدياتها في بودكاست Female Formula