የዓለም ዜና

DW Amharic አርስተ ዜናዎች -ፕሬዚዳንት ዶናልድ ትራምፕ፤ ሃገራቸዉ ለዩክሬይን የምትሰጠዉን የጦር መሳርያ ድጋፍ ማቆምዋን ሩስያ አወደሰች። የክሬዚምሊኑ ቃል አቀባይ ዉሳኔዉ ለሰላም እጅግ ጥሩ አስተዋፆ ያለዉ ብለዉታል።-ከቀናቶች በፊት ሰሊጥ ጭነው ከጎንደር ወደ ባህርዳር ሲያመሩ የነበሩ ሰድሰት ተሳቢ መኪኖች አዲስ ዘመን ከተማ አቅራቢያ መቃጠላቸውን ኑሪዎች ተናገሩ። አስተያየት ሰጭዎች ዘራፊዎች አቃጠሉት ይላሉ፤ ሌሎች በበኩላቸዉ ከኮቴ ክፍያ ጋር በተያያዘ መቃጠላቸዉን ይናገራሉ።-የአረብ ሃገራት መሪዎች በጦርነቱ የተጎዳዉን የጋዛ ሰርጥን መልሶ ለመገንባት ግብፅ ባወጣችዉ እቅድ ላይ ለመወሰን ጉባዔ ካይሮ ላይ ተቀምጠዋል።

የኢትዮጵያ መንግሥት አራት የሰብአዊ መብቶች ተሟጋች ድርጅቶች ላይ ጥሎት የነበረውን ዕግድ አነሳ። የኢትዮጵያ መንግሥት እና የኦጋዴን ብሔራዊ ነጻ አውጪ ግንባር በኤርትራ ዋና ከተማ የተፈራረሙትን ሥምምነት የጠቅላይ ሚኒስትር ዐቢይ አሕመድ መንግሥት ጥሷል በማለት ኦብነግ ወነጀለ። የኦብነግ ማዕከላዊ ኮሚቴ መግለጫው ከግንባሩ “እውቅና ውጪ መሆኑን” አስታውቋል። በደቡብ ምዕራብ ጀርመን ማንሐይም ከተማ ተሽከርካሪ በአደባባይ በተሰበሰቡ ሰዎች ላይ በመንዳት በተፈጸመ ጥቃት አንድ ሰው ሲሞት በርካታ ሰዎች ቆሰሉ።

የአርብ የካቲት 21 ቀን 2017 ዓም አርዕስተ ዜና

የተመድ በኮንጎውw ውጊያ ምክንያት ብሩንዲ የሚገኙ ዓለም አቀፍ ሠራተኞቹ ሀገሪቱን ለቀው እንዲወጡ አዘዘ።

እስራኤል በኃይል በያዘችው ሰሜናዊ ዌስት ባንክ በምታካሂዳቸው ወታደራዊ ዘመቻዎች ለሰላማዊ ሰዎችና የሰላማዊ ሰዎች መገልገያ ለሆኑ መሠረተ ልማቶች ጥበቃ እንድታደርግ ጀርመን ጠየቀች።

ትናንት ዋሽንግተን የነበሩት የብሪታንያ ጠቅላይ ሚኒስትር ኪር ስታርመር በርካታ የአውሮጳና የአውሮጳ ኅብረት አባል ሀገራት መሪዎች በዩክሬን የወደፊት ጉዞና በሀገሪቱ የፀጥታ ጉዳይ ላይ በሚመክር ጉባኤ ላይ እንዲገኙ ጋበዙ ።

የየካቲት 19 ቀን 2017 ዓም አርዕስተ ዜና

የኢትዮጵያ ጠቅላይ ሚኒስትር ዐቢይ አህመድ ከከፍተኛ ባለስልጣኖቻቸው ጋር ነገ መቅዲሾ ይሄዳሉ ሲል የሶማሊያ ፕሬዝዳንታዊ ምንጮች መናገራቸውን የፈረንሳይ ዜና አገልግሎት ዘግቧል።

አንድ የሱዳን አንቶኖቭ ወታደራዊ የማጓጓዣ አውሮፕላን ትናንት ለሊት ተከስክሶ 46 ወታደሮችና ሰላማዊ ሰዎች ሞቱ። በዚሁ አደጋ 10 ሰዎችም ቆስለዋል።

የሩስያና የዩናይትድ ስቴትስ ዲፕሎማቶች ከሶስት ዓመታት በኋላ ለመጀመሪያ ጊዜ ነገ ኢስታንቡል ቱርክ ውስጥ እንደሚነጋገሩ ሩስያ አስታወቀች።

ኬንያ ከኢትዮጵያ በምትዋሰንበት ድንበር ከተከሰተ ግጭት በኋላ በአካባቢው ከፍተኛ የጸጥታ ኃይል አሰማራች። የኢትዮጵያ ብሔራዊ ባንክ 60 ሚሊዮን ዶላር በጨረታ ለባንኮች አከፋፈለ። ኃይለማርያም ደሳለኝን ጨምሮ ሦስት የቀድሞ የአፍሪካ ሀገራት መሪዎች የዴሞክራቲክ ሪፐብሊክ ኮንጎ ግጭትን ለመፍታት የታቀደው የሰላም ንግግር አመቻች ሆነው ተሾሙ። የጀርመን መራኄ መንግሥት ኦላፍ ሾልስ በሀገሪቱ መንግሥት ላይ በሕግ የተጣለው የብድር ገደብ በቅርቡ እንደማይሻሻል ተናገሩ። የብሪታኒያን የመከላከያ በጀት ለማሳደግ ጠቅላይ ሚኒስትር ኪር ስትራመር ቃል ገቡ። የሶርያ ብሔራዊ ውይይት ተጀመረ።

ኢትዮጵያ እና ኬኒያ በሚዋሰኑበት የቱርካና አካባቢ በከተሰተ ግጭት 25 ሰዎች ተገደሉ።

ድንበር የለሽ የሀኪሞች ቡድን በሱዳን ሰሜን ዳርፉር ግዛት በተባባሰው ውጊያ ምክንያት የሚሰጠውን የህክምና እርዳታ ለማቆም መገደዱን ዛሬ አስታወቀ።

ትናንት በጀርመን በተካሄደው ወቅቱን ያልጠበቀ ምርጫ አብላጫ የሕዝብ ድምፅ ያገኘው ክርስቲያን ዴሞክራት ፓርቲ የጥምር መንግሥት ለመመስረት ጥረት እያደረገ ነው።

ሩሲያ ዩክሬን ላይ ጦርነት የከፈተችበት ሦስተኛ ዓመት በዛሬው ዕለት ኪየቭ ላይ ታሰበ። የዩክሬን ፕሬዝደንት ካልተፈለጉ ሥልጣናቸውን ለመልቀቅ ዝግጁነኝ ብለዋል።

* የሱዳን ፈጥኖ ደራሽ ኃይል እና ተባባሪዎቹ መንግሥት ለመመስረት ተፈራረሙ

* በጀርመን ምክር ቤታዊ ምርጫ ተካሄደ

* ቤይሩት የቀድሞው የሂዝቦላህ ቡድን መሪ አስክሬንን ለመሸኘት ተሰበሰቡ

* የካቶሊክ ርዕሰ ሊቃነ ጳጳሳት ፍራንሲስ የጤና ሁኔታ አስጊ ሁኔታ ላይ ይገኛል