នៅ​កម្ពុជា សន្ទុះ​យុវជន​ដែល​ចូល​រួម​នៅ​ក្នុង​សកម្មភាព​សង្គម​និង​នយោបាយ មាន​ចំនួន​កើន​ឡើង​គួរ​ឲ្យ​កត់​សម្គាល់​នា​រយៈ​ពេល​ប៉ុន្មាន​ឆ្នាំ​ចុង​ក្រោយ​នេះ​។ ការ​ចូល​រួម​របស់​យុវជន​នេះ មិន​ត្រឹម​តែ​ផ្ដល់​ឲ្យ​យុវជន​នូវ​បទ​ពិសោធ​ការងារ​ជាក់​ស្ដែង​ទេ តែ​វា​ថែម​ទាំង​អាច​​រួម​ចំណែក​អភិវឌ្ឍ​ប្រទេស​ជាតិ​ទៀត​ផង​​។ ប៉ុន្តែ​យ៉ាង​ណា​ក៏​ដោយ អ្នក​ជំនាញ​បាន​រំឭក​ឲ្យ​យុវជន​ប្រុង​ប្រយ័ត្ន​នៅ​ពេល​ចូល​ប្រឡូក​ក្នុង​ការងារ​សង្គម ជា​ពិសេស​ក្នុង​ការ​ធ្វើ​នយោបាយ​ ធ្វើ​យ៉ាង​ណា​កុំ​បណ្ដោយ​ឲ្យ​ខ្លួន​ឯង​ក្លាយ​ទៅ​ជា​ឧបករណ៍​បម្រើ​នយោបាយ​ឲ្យ​សោះ​។