Það væru gríðarleg vonbrigði ef Ísland færi á gráan lista alþjóðahóps um aðgerðir gegn peningaþvætti. Þetta segir forsætisráðherra. . Í morgun náðu Bretar samkomulagi við Evrópusambandið um útgöngu úr sambandinu. Endanleg niðurstaða fæst þó ekki fyrr en á laugardaginn þegar breska þingið greiðir atkvæði um samninginn. Formaður bæjarráðs á Seyðisfirði segist glaður borga þúsundkall á betri vegi yfir Öxi og vonar að landsmenn séu sáttir við að taka þátt í samgöngubótum sem gagnist öllum. Lögreglumönnum á höfuðborgarsvæðinu býðst ekki að bæta kjör sín með breyttri launasamsetningu. Allir yfirlögregluþjónar hjá ríkisögreglustjóra hafa samið um slíkt. Íslenskir uppljóstrarar eiga oft og tíðum erfiðara uppdráttar en uppljóstrarar annars staðar Þetta er mat formanns Blaðamannafélags Íslands. Ísland er grafreitur erlendra skyndibitakeðja. Þetta segir forstjóri Dominos sem útilokar ekki að fjárfesta sjálfur í keðjunni hér. Í morgun, á elleftu stundu náðu Bretar og Evrópusambandið saman um útgöngusamning Breta. Á elleftu stundu af því í dag byrjaði leiðtogafundur Evrópusambandsins sem á að samþykkja samninginn. Næsta skref verður svo í breska þinginu á laugardaginn þegar samningurinn verður væntanlega lagður fyrir þingheim. Rætt við Sigrúnu Davíðsdóttur. Flatbökusjúkir Íslendingar sem reiða sig á þriðjudagstilboð Dominos geta andað léttar. Það verða engar truflanir á rekstri skyndibitakeðjunnar þó að breski eigandinn hyggist selja starfsemina á Íslandi, í Noregi og í Svíþjóð. Spegililnn Hitti Birgi Örn Birgisson forstjóra á Dómínos í Skeifunni. Þórarinn V. Þórarinsson, fyrrum framkvæmdastjóri Vinnuveitendasambands Íslands og Ásmundur Stefánsson fyrrum forseti ASÍ rifjuðu á ársfundi Samtaka atvinnulífsins upp, þjóðarsáttina sem gerð var 1990. Arnar Páll Hauksson ræddi við Þórarinn .