ថ្ងៃ១​កុម្ភៈ ជាថ្ងៃ​ខួបគម្រប់មួយឆ្នាំគត់​នៃរដ្ឋប្រហារ​នៅភូមា។ នៅមួយឆ្នាំមកនេះ រដ្ឋប្រហារ​របស់​មេដឹកនាំ​យោធា ទម្លាក់​រដ្ឋាភិបាល​ស៊ីវិល​របស់​លោកស្រី ស៊ូជី​បាន​បង្ក​ឲ្យ​មាន​ភាពវឹកវរពេញប្រទេស។ នៅថ្ងៃនេះ ដើម្បី​គម្រប់​ខួប​១ឆ្នាំ ដែល​ពួកយោធា​ចូល​ប្លន់អំណាច​ពីរដ្ឋាភិបាល​ស៊ីវិល ប្រជាជន​ភូមា​បាន​ចូលរួម​ធ្វើ​កូដកម្ម ប្រឆាំង​របបសឹក​តាមរយៈ ការស្ថិតនៅ​ស្ងៀមស្ងាត់ មិនធ្វើអ្វីទាំងអស់ មិនធ្វើការ​ហើយ​ក៏មិន​បើក​ហាងអាជីវកម្ម​លក់ដូរទំនិញ។