នៅ​ថ្ងៃ​ចន្ទ ទី៥ កញ្ញា ប្រធានាធិបតី​អាល្លឺម៉ង់ និង​ប្រធានាធិបតី​អ៊ីស្រាអែល​បាន​ប្រារព្ធ​រួម​គ្នា​នូវ​ខួប​គម្រប់ ៥០ឆ្នាំ​នៃ​ព្រឹត្តិការណ៍​ចំណាប់ខ្មាំង​នៅ​ក្នុង​ឱកាស​កីឡាអូឡាំពិក​រៀបចំ​ក្នុង​ទីក្រុង​មុយនិក ប្រទេស​អាល្លឺម៉ង់​ខាងលិច​កាល​ពី​ថ្ងៃទី៥ កញ្ញា ឆ្នាំ ១៩៧២។ ព្រឹត្តិការណ៍​ចំណាប់​ខ្មាំង​កាល​ណោះ​បាន​បណ្តាល​ឲ្យ​មាន​មនុស្ស​ស្លាប់​សរុប​ចំនួន ១៧នាក់ ក្នុង​នោះ​មាន​ជនជាតិ​អ៊ីស្រាអែល​ចំនួន ១១នាក់។ ៥០ឆ្នាំ​ក្រោយ​មក ព្រឹត្តិការណ៍​មួយ​នេះ​ហាក់​កំពុង​បន្ត​ទុក​ស្នាមរបួស​ពិបាក​រលុប​រវាង​អាល្លឺម៉ង់ និង​អ៊ីស្រាអែល នោះ​បើ​ទោះ​បី​ជា​កិច្ចព្រមព្រៀង​សងជំងឺ​ទើប​បាន​រក​ឃើញ​រវាង​អាល្លឺម៉ង់ និង​ក្រុម​គ្រួសារ​ជនរងគ្រោះ​កាល​ពី​សប្តាហ៍​កន្លង​ទៅ​ក៏​ដោយ។ តើ​ដំណើរ​រឿងរ៉ាវ​មួយ​នេះ​បាន​កើត​ឡើង​យ៉ាង​ដូច​ម្តេច​ខ្លះ?