នៅថ្ងៃ​សុក្រទី១៨មីនា​នេះ គឺ​ជា​ខួប ៦០ឆ្នាំ​គត់ នៃ​កិច្ចព្រមព្រៀង « អេវ្យ៉ង់ » (Evian) ​បញ្ចប់​អាណានិគម​បារាំង​លើ​អាល់ហ្សេរី។ នៅក្នុងរយៈពេល ៦០ឆ្នាំ​​ក្រោយ​អាណានិគម​នេះ បារាំង និង​អាល់ហ្សេរី​បាន​រក្សា​នូវ​ទំនាក់ទំនង​ពិសេស​ជាមួយគ្នា ក៏ប៉ុន្តែ ក៏​ជា​ទំនាក់ទំនង​មួយ​ដ៏ស្មុគស្មាញផងដែរ។ ស្មុគស្មាញ​ដោយសារ​តែ​អតីតកាល​នៃ​អាណានិគម លាយឡំ​ជាមួយ​នឹង​នយោបាយ​ក្នុងស្រុក​របស់​ប្រទេស​ទាំងសងខាង។