Á tónsviðinu

Á tónsviðinu

By RÚVMusic
Download on the App Store

All Á tónsviðinu episodes

  • Nýárskort úr tónum
    Þegar gömul nýárskort eru skoðuð má sjá á þeim ýmis konar tákn. Fjögurra laufa smári, berserkjasveppur, sótari, maríubjalla, svín og skeifa eru meðal þess sem oft sést á nýárskortum. Í þættinum verður búið til nýárskort í tónum, litið verður á táknin á gömlum nýárskortum, fjallað um merkingu þeirra og leikin tónlist sem tengist þeim. Umsjón með þættinum hefur Una Margrét Jónsdóttir og lesari er Þórhildur Ólafsdóttir.
    50 min
  • Jólin koma eftir Jóhannes úr Kötlum
    Á þessu ári eru níutíu ár liðin síðan ljóðakverið „Jólin koma“ eftir Jóhannes úr Kötlum kom út árið 1932. Í þessari litlu bók birtust ýmsar persónur úr íslenskri þjóðtrú ljóslifandi: Grýla, jólasveinarnir og jólakötturinn. Það voru ekki aðeins kvæði Jóhannesar sem gæddu þessar persónur lífi, snjallar teikningar Tryggva Magnússonar settu líka mikinn svip á bókina. Þótt margt hafi breyst á Íslandi á 90 árum heldur bókin „Jólin koma“ alltaf vinsældum sínum og hefur verið gefin út 30 sinnum. Allmargir tónsmiðir hafa samið lög við ljóðin og nokkur þeirra verða flutt í þættinum „Á tónsviðinu“ fim. 29. des. Meðal tónsmiða sem koma við sögu eru Ingibjörg Þorbergs, Sigríður Jónsdóttir, Ingunn Bjarnadóttir, Jóhann Helgason, Árni Egilsson, Guðni Franzson og Magnús Pétursson. Umsjón með þættinum hefur Una Margrét Jónsdóttir, en lesarar eru Jónatan Garðarsson og Halla Harðardóttir.
    50 min
  • 200 ár frá fæðingu Césars Franck
    Fransk-belgíska tónskáldið César Franck fæddist 10. desember 1822 og því eru á þessu ári liðin 200 ár frá fæðingu hans. Þátturinn er helgaður tónlist hans og á „Óperukvöldi útvarpsins“ í kvöld kl. 19.00 verður flutt ópera Francks „Hulda“. Franck samdi tónsmíðar af ýmsu tagi, en þótti sérlega mikill snillingur á orgelsviðinu, enda var hann sjálfur kirkjuorganisti. Þátturinn „Panis angelicus“ úr þriggja radda messu hans er einnig mjög vinsæll.
    Umsjón: Una Margrét Jónsdóttir.
    50 min
  • Ríkarður Örn Pálsson
    Í þættinum verður fjallað um Ríkarð Örn Pálsson, tónsmíðar hans og tónlistarstörf. Ríkarður fæddist 1946 og lést á síðastliðnu ári, 2021. Hann samdi margvísleg tónverk og má þar nefna Píanósvítlur I og II og fagottsónötu auk sönglaga fyrir einsöng og kór. Einnig starfaði hann lengi sem tónlistargagnrýnandi við Morgunblaðið. Þekktastur mun Ríkarður þó vera fyrir þátttöku sína í samnorrænu sjónvarpsspurningakeppninni Kontrapunkti á árunum 1990-1998, en Ríkarður var margfróður um tónlist og tónlistarsögu. Tónsmíðar eftir Ríkarð verða fluttar í þættinum og einnig brot úr viðtölum við hann. Lesari í þættinum er Felix Bergsson. Umsjón hefur Una Margrét Jónsdóttir.
    50 min
  • Jón Sigurbjörnsson leikari og söngvari
    Á þessu ári eru 100 ár frá fæðingu söngvarans Jóns Sigurbjörnssonar. Jón var einn besti bassasöngvari Íslands á 20. öld og einnig lærður leikari, fór með mörg hlutverk bæði hjá Þjóðleikhúsinu og Leikfélagi Reykjavíkur auk þess sem hann leikstýrði ófáum verkum. Af óperuhlutverkum Jóns má nefna Sarastró í „Töfraflautunni" eftir Mozart 1956 og Basilíó í „Rakaranum í Sevilla" eftir Rossini, en það hlutverk söng Jón tvisvar, fyrst í Þjóðleikhúsinu 1958 og svo hjá Íslensku óperunni 1984. Einnig eru til margar hljóðritanir af flutningi Jóns á íslenskum einsöngslögum. Á leiksviði fór hann með fjölmörg hlutverk og lék til dæmis Skugga-Svein í samnefndu leikriti Matthíasar Jochumssonar þrisvar. Þá kannast margar kynslóðir íslenskra barna við rödd Jóns í hlutverki bangsapabba í „Dýrunum í Hálsaskógi" eftir Thorbjörn Egner, en sú hljóðritun var gefin út á hljómplötu árið 1966. Fjallað er um Jón Sigurbjörnsson í þættinum og fluttar hljóðritanir af leik hans og söng. Umsjón með þættinum hefur Una Margrét Jónsdóttir, en lesarar eru Björn Þór Sigbjörnsson og Jónatan Garðarsson.
    50 min
  • Norðurljós í tónlist
    Í þættinum verður fjallað um tónverk sem samin eru með norðurljósin í huga. Þar á meðal eru „Norðurljós“ eftir Atla Heimi Sveinsson, „Kaleidoscope in the frozen sky“ eftir Misti Þorkelsdóttur og „Northern Lights“ eftir Eriks Esenvalds. Umsjón með þættinum hefur Una Margrét Jónsdóttir og lesarar eru Björn Þór Sigbjörnsson og Halla Harðardóttir.
    50 min