An ka lamini lamɛn

Bi an ka jɛmukan bɛ kuma mansimanfɛn ɲanamanw de kan. Nga bi ta an bɛ  kuma fɛɛrɛw  kan minnu be se ka bila senkan walasa ka caman bɔ u kɔlɔlɔ la an ka lamini n'an ka kɛnɛya ma.

RFI mandenkan lamɛnbagaw aw ni ɲantuman, kalo fila sɛgɛlafiɲɛbɔ kɔ, nin ye aw ka lamini lamɛn jɛmukan kura sigilen ye. Ka taa utikalo tile naani na, kana bila a tile 15 la jamana 579 de ye ɲɔgɔn sɔrɔ Suisse jamana kɔnɔ walasa ka talikɛ lajɛ dɔ la, min laɲini jɔnjɔn tun ye ka dansigi manan foroko tolibaliw ko la. Binkan ma se ka sɔrɔ lajɛ in talikɛlaw cɛ, o siratigɛ de la an y'a latigɛ k'a an ka jɛmukan sigi no baabu in kan.

O mananforokow kɔlɔlɔ bɛ se ka kɛ mun de ye lamini ma? Mun bɛ se ka bila u nɔla? Mun na sariya minnu tara u kaman tɛ ka labato? Baba WATTARA n'a ka mɔgɔ welelenw bɛ kuma o de kan bi.

Mun de be na ni kungojɛni ye? A kɔlɔlɔ be se ka kɛ mun ye lamini ma? Baba WATTARA b'o jaabi anw ye a n'a ka mɔgɔ welelenw.

An ka bi  jɛmukan bɛ kuma di muso fila ma minnu ka cɛsiri ka bon lamini lataganli la ka bɔ Mali ni Sénégal jamana filaw kɔnɔ. U bɛ gɛlɛya jumɛw de sɔrɔ o senfɛ ? U ka bara yɛrɛ ye mun de ye walasa ka lamini latanga ? Baba WATTARA ka jɛmukan labɛnnen don.

Bi an bɛ kuma di sɛnɛkɛlaw de ma lamini an ka jɛmukan kɛnɛ. Baabuw senfɛ , u ye ɲɛfɔli kɛ anw ye , cogo di u bɛ k’u mabɛn ni wagatiyɛlɛma kɔlɔlɔw ye walasa samiya ka diya u la.

Samiya daminɛna manden jamana caman kɔnɔ wa dɔw bɛ k’u labɛn k'a kunbɛ. San o san,  samiya wagatiw la sanjikasara bɛ tiɲɛnniba de kɛ wa mɔgɔ dɔw yɛrɛ bɛ bɔnɛ u nin na jamana dɔw kɔnɔ. Mun de be se ka kɛ walasa ka sanjikasaraw ɲɛkɔrɔtigɛ ? Baba WATTARA n’a ka mɔgɔ welelenw bɛ kuma o de kan bi lamini lamɛn jɛmukan kɔnɔ.

An ka bi jɛmukan bɛ kuma aw ye sow jɔ cogo de kan Farafinna. Diɲɛ tɔnba ka jateminɛsɛbɛn dɔ b'a jira ko Farafinna so caaman de tɛ lamini sariyaw labato.Yala mun de be se ka kɛ walasa sojɔlaw k’o sariyaw labato ? Baba WATTARA  n’a ka mɔgɔ welelenw b’o ɲininkaliw de jabi anw ye.

An ka bi lamini lamɛn jɛmukan bɛ kuma di muso fila ma minu ka cɛsiri ka bon lamini latangali la ka bɔ Mali ni Senegal jamanaw kɔnɔ. U bɛ gɛlɛya jumɛnw de sɔrɔ o senfɛ ? U ka baara yɛrɛ ye mun de ye walasa ka lamini latanga ? Baba WATTARA ka jɛmukan labɛnnen don.

Farafina jamana caman de ka seliba ye bi ye, nisɔndiya tɛmɛnen kɔ, gɛlɛya caman de be yen minnu bɛ bin lamini kan k'a sababu kɛ mɔgɔ caman de bɛ ɲamaw fili bɔlɔnw kɔnɔ. Mun de be se ka kɛ walasa ka dan sigi o wale in na ? A kɔlɔlɔw ye mun de ye ? Baba WATTARA b’olu jaabi anw ye.

An ka bi jɛmukan baabu bɛ tali kɛ ninmanfɛnw lantangali de kan. Farafinna jiriw ni bagan caman de si bɛ ka tunu k'a sababu kɛ adamadenw yɛrɛ ka kɛwalew ye. Walasa ka dan sigi o la, de ye mɛkalo kile 22 sungandira diɲɛ kɔnɔ ka kɛ ninmanfɛnw latangali don ye. O don laɲanamayali hukumu kɔnɔ, an bɛ kuma bi walew kan minnu kaɲi ka kɛ walasa ka dan sigi o la.