Anna var hjúkrunarforstjóri Landspítalans þar til hún hætti fyrir nokkrum árum, hún tekur við sem umdæmisstjóri Rotarý á íslandi á næsta ári. Anna segir frá erfiðri lífsreynslu fyrir átta árum þegar maðurinn hennar lést í bílslysi þar sem hún og barnabarnið þeirra þá þrettán ári voru farþegar í bílnum, hún lýsir þögninni eftir áreksturinn og segir frá því hvernig hún vann úr þessum hrikalegu erfiðleikum. Hún þurfti að byrja nýtt líf, og segir að það hafi tekið mörg ár. Í dag er hún á góðum stað og segist njóta lífsins og vera hamingjusöm.