Bakherbergið: Er Áslaug Arna með pálmann í höndunum?

Við fengum Erlu Ósk Ásgeirsdóttur, fv. varaþingmann Sjálfstæðisflokksins í þáttinn til að ræða tilkynningu Þórdísar Kolbrúnar og áhrif hennar á kjör nýrrar forystu á landsfundi XD. Svo virðist sem að Áslaug Arna sé komin með forskot í slagnum og sé jafnvel með pálmann í höndunum. Instagram færsla Þórdísar Kolbrúnar bendir til að varaformaðurinn fráfarandi styðji stallsystur sína til formennsku.

Einnig er farið yfir borgarmálin, yfirstandandi leiftursókn Heiðu Bjargar í oddvitaslag Samfylkingarinnar, stöðu Evrópusambandsumsóknarinnar, skipan hagræðingarhóps ríkisstjórnarinnar, viðbrögð Helgu Þórisdóttur og FFR við bréfi Kristrúnar og Daða, félagaform stjórnmálaflokka og einn gír Ingu Sæland. Þá gripið niður í ágrip af ævi nýrra og eldri þingmanna eins og henni er varpað fram á vef Alþingis.

Þá er starfsframahornið á sínum stað en þar var tilraun gerð til að svara því hvernig fólk geti fundið kröftum sínum farveg innan stjórna fyrirtækja.

Einnig var EM-stofunni hrósað og álitsgjafar um handbolta sagðir góðar fyrirmyndir um hvernig stjórnendur eigi að veita undirmönnum sínum endurgjöf.

Samstarfsaðilar þáttarins:

👷🏻‍♀️Sjóvá

📋 Prósent

Stef: Gold On The Ceiling - The Black Keyes

Tenglar á hluti sem komu til umræðu í þættinum:

https://facebook.com/hjortur.j.gudmundsson/posts/pfbid032DpucJGX5Pocf48yEu6WEgXcavKuWnJQboyzjizSRaVBXQmQngbf2Cn5HeFHXTAyl

https://www.visir.is/g/20252676177d/fe-lag-for-stodu-manna-fundar-um-bref-rad-herra-um-hag-raedingu

https://www.mbl.is/frettir/innlent/2025/01/14/listi_thess_sem_ma_fara_betur_i_samfelaginu_er_lang/

https://www.mbl.is/frettir/innlent/2025/01/18/aettum_ekki_ad_thurfa_ad_eiga_thetta_samtal/

https://www.visir.is/g/20252678328d/enn-ekkert-ad-fretta-a-skrif-stofu-rikis-sak-soknara

https://www.visir.is/g/20252677884d/leggur-strax-fram-laga-breytingar-frum-varp-vegna-hvamms-virkjunar

https://www.ruv.is/utvarp/spila/samfelagid/23617/b7188e

Bakherbergið: Hvaða flokk myndir þú velja í Football Manager og SimCity?

Við fengum Aðalstein Kjartansson blaðamann og Árna Helgason lögmann og fyrsta varaþingmann Sjálfstæðisflokksins í SV-kjördæmi til að ræða komandi landsfund XD, stöðuna í pólitíkinni, forystumál Framsóknarflokksins, borgarmálin og loks líkurnar á að þessi ríkisstjórn fái gott veður efnahagslega og sitji í tvö kjörtímabil.

Þá báru Evrópumálin á góma, rætt var hvort umræðan um þau verði heilbrigðari en áður og hvort það skipti máli hvort Ísland er flokkað sem umsóknarríki eða ekki hjá sambandinu.

Einnig var tæpt á vangaveltum um hvaða ráðuneytisstjórar séu öruggir í sínu sæti og hverjir gætu verið fluttir eitthvað annað svo að nýir ráðherrar fái meðspilarann sem þeim þóknast.

Samstarfsaðilar þáttarins:

👷🏻‍♀️Sjóvá

📋 Prósent

Stef: Gold On The Ceiling - The Black Keyes

Tenglar á hluti sem komu til umræðu í þættinum:

Bakherbergið: Þarf maður alltaf að verja allt sem maður á í pólitík?

Þórhallur og Andrés fara yfir það hvernig pólitíkusar eigi að nálgast eigin feril, líka þegar á móti blæs og Andrés gerir upp eigin framboðsraunir sem enginn man (sem betur fer) eftir.

Farið er yfir Dags og Kristrúnar drama-ið, Lilju og Sigurðar Inga drama-ið, Sýnar drama-ið, næsta varaformann Samfylkingarinnar, langsótta hugmynd að næsta oddvita Samfylkingarinnar í Reykjavík sem barst þættinum, lífslíkur meirihlutans í borginni, nefndarformennskur á þingi og formannskjörið í Sjálfstæðisflokknum.

Þá lýsa þáttastjórnendur yfir ást sinni á hagræðingarútspili ríkisstjórnarinnar og á hugmyndum Sjálfstæðisflokksins í borginni um byggð í Viðey og meðfram sjávarsíðunni. Skipulagsmál eru auðvitað hið pólitískasta af allri pólitík.

Samstarfsaðilar þáttarins:

📋 Prósent

Stef: Gold On The Ceiling - The Black Keyes

Tenglar á hluti sem komu til umræðu í þættinum:

Sigurvegarar og taparar ársins. Allt það besta og versta í pólitíkinni.

Gestir þáttarins voru Þórdís Valsdóttir, Bergsteinn Sigurðsson og Gylfi Ólafsson.

Bakherbergið gerði upp árið í pólitíkinni í alvöru maraþonþætti. Bestu og verstu stjórnmálamennirnir, ræða/grein/status/tíst ársins, sjónvarpsframmistaða ársins og álitsgjafi ársins voru meðal flokka sem verðlaunað var fyrir. Það komu ansi margir til greina en fólk var í þættinum nokkuð sammála um hvaðan helstu sigurvegararnir og tapararnir komu.

Við ræddum einnig landsfundar- og forystukrísu Sjálfstæðisflokksins, lyklaskipti og spuna í kringum nýmyndaða ríkisstjórn, drama í tengslum við þingflokksformennskuna í Samfylkingunni, pólitíska framtíð Lilju Alfreðsdóttur og forystumálin í Framsóknarflokknum, hálf-óþarfa afsökunarbeiðni Einars Þorsteinssonar til forstjóra Icelandair og raunverulegan árangur af starfi stýrihóps um endurskoðun á þjónustuhandbók vetrarþjónustu Reykjavíkurborgar. Þá var rætt um hvenær þing geti komið saman, hvort hægt verði að kjósa til Alþingis að vori neitt á næstunni eða erum við dæmd til haustkosninga um ómunatíð í ljósi þess að næst verða einnig forsetakosningar. Farið er yfir útkomuna í ánægjuvoginni á Klörubar og það hvort Bergsteinn haldi áfram að svæfa fólk (að eigin sögn) kl.22:20 á mánudagskvöldum í Silfrinu eða hvort nýr sýningartími Silfursins kl.21:00 sé kominn til að vera.

Sérstakur seinni uppgjörsþáttur Bakherbergisins fer svo í loftið 3. jan þar sem við ætlum að gera upp alla stóru uppgjörsþættina og uppgjörsávörpin sem eru framundan s.s. ávarp forsætisráðherra og ávarp forseta. Já og auðvitað áramótaskaupið og Kryddsíldina.

Samstarfsaðilar þáttarins:

🚗 Hyundai á Íslandi

🎧 Storytel - story.tel/bakherbergid

👷🏻‍♀️Sjóvá

🍺Bruggsmiðjan Kaldi

💼 Gott fólk

📋 Prósent

Stef: Gold On The Ceiling - The Black Keyes

Tenglar á hluti sem komu til umræðu í þættinum:

https://www.visir.is/g/20242668832d/vedurstofa-sjalfstaedisflokksins-frestar-fundi

https://www.visir.is/g/20242666870d/einar-badst-fyrir-gefningar

https://is.wikipedia.org/wiki/Fer%C3%B0askrifstofan_Sunna

https://skemman.is/bitstream/1946/39808/1/Fj%C3%A1rhagsleg%20endurskipulagning%20Icelandair%20Group%20hf..pdf

Ný ríkisstjórn, næstu skref Sjalla og borgarstjóra

Andrés, Þórhallur og gesturinn Friðjón Friðjónsson bregðast við nýrri ríkisstjórn, ræða ráðherrana og hverjir þeirra verði vinsælir og óvinsælir að ári liðnu.

Fjallað er um ásýnd stjórnarinnar, hvort flokkarnir geti verið sáttir við sitt hlutskipti og hvað hafi ráðið vali formannanna.

Einnig er farið yfir landsfund og líkleg forystuskipti í Sjálfstæðiflokknum, hóp flokksmanna sem vill fresta landsfundi og nota tímann til að finna utanþingsformann fyrir flokkinn.

Þá er rætt um borgarmálin og hvaða valkosti borgarstjórinn Einar Þorsteinsson eigi í von sinni um að halda starfinu og hvort aukið jafnrétti í aðkomu að hlaðvarpi Friðjóns geti stuðlað að samheldnum sigurlista vorið 2026.

Í starfsframahorninu deila allir þrír ráðum til fólks sem vill reyna að koma sér inn á nýtt svið og finna starf sem hæfir menntun þeirra.

Samstarfsaðilar þáttarins:

📋 Prósent

Stef: Gold On The Ceiling - The Black Keyes

Tenglar á hluti sem komu til umræðu í þættinum:

Ráðherraskipunin og allt hitt hjá Valkyrjunum

Andrés og Þórhallur fóru yfir líklega skipun Valkyrjustjórnarinnar og annarra embætta.

Samstarfsaðilar þáttarins:

📋 Prósent

Stef: Gold On The Ceiling - The Black Keyes

Tenglar á hluti sem komu til umræðu í þættinum:

"Gleðileg jól! Hér er ríkisstjórn"

Gestir Bakherbergisins voru þau Jakob Birgisson og Margrét Rós Sigurjónsdóttir.

Samstarfsaðilar þáttarins:

📋 Prósent

Stef: Gold On The Ceiling - The Black Keyes

Tenglar á hluti sem komu til umræðu í þættinum:

Mynda "Valkyrjustjórn" með leikkerfinu 4-4-2

Stjórnarmyndun, ráðherraskipan og mögulegar óvæntar vendingar með gesti Bakherbergisins, Ágústi Ólafi Ágústssyni, sem hefur sjálfur verið "í herberginu" við myndun ríkisstjórnar.

Samstarfsaðilar þáttarins:

👷🏻‍♀️Sjóvá

🍺Bruggsmiðjan Kaldi

🎧 Storytel - story.tel/bakherbergid

💼 Gott fólk

📋 Prósent

Stef: Gold On The Ceiling - The Black Keyes

Tenglar á hluti sem komu til umræðu í þættinum:

Aukaþáttur á kjördegi: Úrslitastundin er runnin upp

Við settumst niður rétt fyrir hádegi og tókum upp aukaþátt til að fara yfir síðustu kannanir og spár, möguleg óvænt ríkisstjórnarmynstur, hvernig þreifingar eru í gangi núna og verða næstu daga, hvað þurfi til að fyrstu tölum verði fagnað á kosningavökum og hvaða bakherbergjum og grænu herbergjum við verðum sjálfir í í kvöld.

Samstarfsaðilar þáttarins:

🏢 Eignaumsjón

📋 Prósent

Stef: Gold On The Ceiling - The Black Keyes

Tenglar á hluti sem komu til umræðu í þættinum:

https://aapor.org/wp-content/uploads/2022/12/Herding-508.pdf

Síðasta vikan: "Tótal panik"

Gestir Bakherbergisins voru Aðalsteinn Kjartansson, Hólmfríður María Ragnhildardóttir, Freyja Steingrímsdóttir, Kolbeinn Marteinsson, Krístin Gunnarsdóttir, Magnús Már Guðmundsson, Hólmfríður María Ragnhildardóttir, Ragnhildur Þrastardóttir og Andrea Sigurðardóttir.

Auk fjölda góðra gesta í kosningapartýi Bakherbergisins á skrifstofum Góðra samskipta sem greindu stöðuna með gestum þáttarins.

Samstarfsaðilar þáttarins:

🏢 Eignaumsjón

📋 Prósent

Stef: Gold On The Ceiling - The Black Keyes

Tenglar á hluti sem komu til umræðu í þættinum: