នៅ​ក្នុង​ប្រទេស​បារាំង ៤៨ម៉ោង​ក្រោយ​ការ​ប្រកួត​បាល់ទាត់​ផ្តាច់ព្រ័ត្រ Champions League រវាង​ក្រុម​កីឡាករ​ក្លឹប Liverpool និង​ក្រុម​កីឡាករ​ក្លឹប Real Madrid ក្នុង​ថ្ងៃ​សៅរ៍ ទី២៨ ឧសភា​មក ព្រឹត្តិការណ៍​រញ៉េរញ៉ៃ​នៅ​ក្បែរ​ពហុកីឡាដ្ឋានជាតិ​បារាំង​ក្នុង​ថ្ងៃ​ប្រកួត​នោះ​កំពុង​បន្ត​ជា​បច្ចុប្បន្នភាព​ក្តៅ​គគុក។ ព្រឹត្តិការណ៍​កីឡា​មួយ​នេះ​កំពុង​ក្លាយ​ជា​ព្រឹត្តិការណ៍​នយោបាយ​មួយ​ដែល​ក្រុម​គណបក្សប្រឆាំង​បាន​ចេញ​មុខ​រិះគន់​រដ្ឋាភិបាល។ ក្នុង​ថ្ងៃ​ចន្ទ ទី៣០ ឧសភា រដ្ឋមន្រ្តី​ក្រសួង​កីឡា និង​រដ្ឋមន្រ្តី​ក្រសួង​មហាផ្ទៃ​បាន​រួម​ប្រជុំ​ភាគី​ពាក់ព័ន្ធ​ដើម្បី​ស្វែង​យល់ និង​ទាញ​មេរៀន​ពី​ព្រឹត្តិការណ៍​រញ៉េរញ៉ៃ​មួយ​នេះ។