លោក សម រង្ស៊ី ប្រធានស្តីទីអតីតគណបក្សសង្គ្រោះជាតិ កាលពីថ្ងៃទី១៤ ខែមិថុនា បានសរសេរនៅលើហ្វេសប៊ុករបស់លោកថា ការរារាំងគណបក្សភ្លើងទៀន មិនឲ្យចូលរួមក្នុងការបោះឆ្នោតបង្ហាញថាកិច្ចព្រមព្រៀង​ទីក្រុងប៉ារីស ​ថ្ងៃ២៣ ខែតុលា ​ឆ្នាំ១៩៩១ កាន់តែ​មានសារៈសំខាន់ឡើង។ សំខាន់ដោយលោកលើងឡើងចំនួន២ផ្នែក គឺទី១ ការរៀបចំឲ្យមានប្រព័ន្ធនយោបាយប្រជាធិបតេយ្យ សេរី ពហុបក្ស នៅកម្ពុជា តាមរយៈការបោះឆ្នោត ដោយសេរី និងយុត្តិធម៌។ ទី២ គឺនយោបាយក្រៅប្រទេសរបស់កម្ពុជា ត្រូវឈរលើឯករាជ្យភាព និងអព្យាក្រិតភាព។ អ្នកវិភាគនយោបាយខ្លះសម្តែងការគាំទ្រ តែខ្លះទៀតថាមិនចាំបាច់។