ក្រសួង​សាធារណការ​ និងដឹកជញ្ជូន ​កាលពីថ្ងៃពុធ​ម្សិលមិញ​ រួមនឹងភាគី​ពាក់ព័ន្ធ​ បានបើកកិច្ចប្រជុំ​មួយតាម​ប្រព័ន្ធអនឡាញ​ស្តីពីការពិនិត្យ ​និងពិភាក្សាស្វែងរក​ធាតុចូលជុំវិញ​ការធ្វើ​វិសោធនកម្ម​ច្បាប់ស្តីពី​ចរាចរណ៍ផ្លូវគោក​។​ លោក គង់ រតនៈ ​អ្នកជំនាញ ​និងជាអ្នកពិគ្រោះ​យោបល់​ផ្នែកសុវត្ថិភាព​ចរាចរណ៍​ផ្លូវគោក​ សម្តែងនូវការគាំទ្រ​ចំពោះការរៀបចំ​ធ្វើវិសោធនកម្ម​ច្បាប់នេះ ​ដោយលោក​លើកឡើងថា​ច្បាប់ចរាចរណ៍​ផ្លូវគោក ​ដែលមានកន្លងមក​ គឺជាច្បាប់មួយល្អហើយ ​ក៏ប៉ុន្តែការ​អនុវត្ត​មិនទាន់បាន​ពេញលេញ​។