សាលាក្តីខ្មែរ​ក្រហម​នៅថ្ងៃនេះ​បានបើកសវនាការ​លើសំណុំរឿង​០០២ វគ្គ០២​ ដែលមាន​ជនជាប់ចោទ​គឺលោក​ ខៀវ សំផន​ ។​ ជាសវនាការ​ទៅតាមបណ្តឹងសារ​ទុក្ខរបស់មេធាវី​ការពារក្តី ​បន្ទាប់ពី​សាលាដំបូង​បានកាត់ទោស​អតីត​ប្រមុខ​រដ្ឋនៃកម្ពុជា​ប្រជាធិបតេយ្យ​រូបនេះ​ឲ្យ​ជាប់​ពន្ធនាគារ​មួយ​ជីវិត កាល​ពី​ឆ្នាំ​២០១៨ ក្រោម​បទ​ចោទ​ឧក្រិដ្ឋ​កម្ម​ប្រល័យ​ពូជ​សាសន៍ ឧក្រិដ្ឋ​កម្ម​ប្រឆាំង​មនុស្ស​ជាតិ និង​បទ​ល្មើស​ធ្ងន់​ធ្ងរ​ផ្សេងៗ​ទៀត។ លោក នេត្រ ភក្ត្រា​ ជាភ្ញៀវប្រចាំថ្ងៃ​បាន​ថ្លែងថា លោក ​ខៀវ សំផន ​នឹង​ឡើង​ថ្លែង​ការណ៍​នៅថ្ងៃចុងក្រោយ​នៃ​សវនាការ​របស់ខ្លួន​ដែលគ្រោងបិទបញ្ចប់​នៅសប្តាហ៍នេះ​។ ចំណែក​សាលដីកាស្ថាព​គ្រោង​ប្រកាសនៅ​ត្រីមាសទី៤​ឆ្នាំ២០២២​។​