ចាប់តាំងពីឆ្នាំ​ ២០០៨មក​ ប្រទេស​កម្ពុជា ​បានបញ្ជូន​និស្សិត​សរុបជាង​១ពាន់នាក់​ ទៅធ្វើកម្មសិក្សា​នៅប្រទេស​អ៊ីស្រាអែល ​ដែលល្បីល្បាញ​ខាងវិស័យ​កសិកម្ម​។​ លោក វេង សាខុន ​រដ្ឋមន្ត្រី​ក្រសួង​កសិកម្ម​ រុក្ខាប្រម៉ាញ់ ​និងនេសាទ​ ថ្លែងឲ្យដឹងថា​ ការបញ្ជូន​និស្សិត​ទៅធ្វើកម្មសិក្សា​ផ្នែកកសិកម្ម​នៅប្រទេសអ៊ីស្រាអែល​ជាបន្តបន្ទាប់នេះ​ គឺធ្វើឡើងក្រោម​ជំនួយ​ទំនុក​បម្រុង​ពីរដ្ឋាភិបាលអ៊ីស្រាអែល ​តាមរយៈ​ក្រុមហ៊ុននានា​។ លោករដ្ឋមន្ត្រី​បញ្ជាក់ថា​ និស្សិតដែលបញ្ចប់​កម្មសិក្សា​នៅអ៊ីស្រាអែល ​គឺជាធនធានមនុស្ស​ដ៏មានគុណភាព​ និងចាំបាច់​នៅក្នុងវិស័យ​កសិកម្មកម្ពុជា​ ខណៈដែលកម្ពុជា​កំពុងប្រឹងប្រែង​អភិវឌ្ឍន៍​កសិកម្ម​របស់ខ្លួន​។