នៅ​ថ្ងៃទី៤ មករា ឆ្នាំ ២០២៣ នេះ ប្រទេស​ភូមា​បាន​ប្រារព្ធ​បុណ្យ​ឯករាជ្យជាតិ​គម្រប់ ៧៥ឆ្នាំ​ពី​អាណានិគមនិយម​អង់គ្លេស​ក្នុង​ថ្ងៃទី៤ មករា ឆ្នាំ ១៩៤៨។ នា​ឱកាស​នេះ របបសឹក​បាន​រៀបចំ​ពិធី​ព្យុះហយាត្រា​យោធា និង​ស៊ីវិល ព្រម​ទាំង​ដោះលែង​អ្នកទោស​ជាង ៧ ០០០នាក់។ តែ​អ្វី​ជា​កត់សម្គាល់ បុណ្យ​ឯករាជ្យជាតិ​គម្រប់ ៧៥ឆ្នាំ​នៅ​ឆ្នាំ ២០២៣ នេះ​បាន​ធ្វើ​ឡើង បន្ទាប់​លោកស្រី​អ៊ុង សានស៊ូជី​ទើប​ត្រូវ​បាន​របបសឹក​កាត់ទោស​ឲ្យ​ជាប់​គុក ៧ឆ្នាំ​ថែម​ទៀត និង​ចំ​ពេល​ដែល​ប្រជាជន​កំពុង​បន្ត​ប្រឆាំង​នឹង​របបសឹក។