ក្នុង​ពិធីសូត្រធម៌​​​ឆ្លងបុណ្យ​ណូអែល​យប់ថ្ងៃ​ទី ២៤​ឆ្លង​ចូលថ្ងៃទី ២៥​ធ្នូ ជា​ប្រពៃណី ​សម្តេច​ប៉ាបហ្វ្រង់ស័រ បាន​អំពាវនាវ​​ឱ្យ​គ្រិស្តសាសនិកជន​ទាំង​អស់​ចេះអាណិត​អាសូរមនុស្សជាតិ ចេះ​ស្រលាញ់​និង​ពេញ​ចិត្ត​របស់​បន្តិច​បន្តួច​ដែល​ខ្លួន​មាន និង​កុំ​ភ្លេច​​ជន​ក្រីក្រលំបាក។ ឆ្នាំ​នេះ​និង​ជាលើក​​ទីពីរ ​​ពិធី​បុណ្យ​ណូអែល​ប្រព្រឹត្ត​ទៅក្នុង​បរិបទ​នៃការ​គំរាមកំហែង​កូវីដ​យ៉ាង​ខ្លាំង​។ មេរោគ​កូវីដ​បំប្លែង​ខ្លួន អូមីក្រុង បាន​និង​កំពុង​ ធ្វើ​ឱ្យ​ពិធីបុណ្យ​ណូអែល និង​បុណ្យ​ឆ្លង​​ឆ្នាំសកល ​រអាក់រអួល​​យ៉ាង​ខ្លាំង។  នៅ​ចំពោះ​មុខចំនួន​អ្នក​ឆ្លង​ឡើង​ដល់​កំរិត​កំពូល រដ្ឋាភិបាល​ខ្លះ​បានបង្ខំចិត្ត​ចាត់វិធានការ​ទាំង​ក្នុង​អំឡុង​ពេល​បុណ្យតែម្តង។