ពលរដ្ឋ​រាប់​រយ​នាក់ ​ក្នុង​នោះ​មួយ​ចំនួន​ជា​ជន​ជាតិ​ដើម​ភាគ​តិច​កួយ​ នៅ​ខេត្ត​ព្រះវិហារ ​បាន​លើកគ្នា​តវ៉ា​ទ្រង់ទ្រាយ​ធំ ​រយៈពេល ​៣ ​ថ្ងៃ​ជាប់ៗ​គ្នា ​ចាប់​តាំង​ពី​ថ្ងៃ​ទី ១៥ ​ដល់​ថ្ងៃ​ទី ​១៧ ​មិថុនា​នេះ​ ដោយ ​ទាមទារ​ឱ្យ​ក្រុមហ៊ុន ​ឌែលខម​ ខេមបូឌា (Delcom Cambodia) ផ្តល់​សំណង​សមរម្យ ​ពី​ផល​ប៉ះពាល់​ដី​ស្រែ​ចម្ការ​ និង​ច្បារ​ដំណាំ​របស់​អ្នក​ស្រុក។ អ្នកភូមិ​ថា ​ក្រុមហ៊ុន​បាន​កាយ​ប្រឡាយ ​បោះបង្គោល​ និង​ឈូស​ឆាយ​ពង្រីក​ផ្ទៃ​ដី​អាជីវកម្ម​រ៉ែ​មាស ​ប្រវែង​ ៤​គីឡូ​ម៉ែត្រ​បួន​ជ្រុង ​ដែល​ធ្វើ​ឱ្យ​ប៉ះពាល់​ដី​ស្រែ​ចម្ការ​ និង​ដី​ភូមិ​របស់​ពលរដ្ឋ​ជា​ច្រើន​គ្រួសារ​។