ស្ថានភាព​សង្រ្គាម​នៅ​អ៊ុយក្រែន​ហាក់​នៅ​នឹង​ថ្កល់​ក្នុង​ប៉ុន្មាន​ថ្ងៃ​ថ្មីៗ​នេះ។ ​កងទ័ព​រុស្ស៊ី​សម្រុក​រុល​ទៅ​មុខ​លែង​រួច​ ដោយ​នៅ​ទីតាំង​ខ្លះ​ កងទ័ព​អ៊ុយក្រែន​ថែម​ទាំង​អាច​វាយ​បក​រុញ​កងទ័ព​រុស្ស៊ី​ឲ្យ​ថយ​ក្រោយ​ក៏​មាន​។ ក្នុងពេល​ជាមួយគ្នា​ ការ​ឡោមព័ទ្ធ​ទីក្រុង​ធំៗ​រួម​មាន​ក្រុង​កៀវ​ផង​នៅ​តែ​បន្ត​។ ចំណែក​ជនភៀស​ខ្លួន​អ៊ុយក្រែន​ដែល​រត់​ចេញ​ទៅ​ប្រទេស​ជិត​ខាង​វិញ​បាន​កើនឡើង​ដល់​ជាង​ ៣,៥​លាន​នាក់​ហើយ​។