Í gjár boðaði Evropeiski miðbankin frá, at tey meta ikki, at tað er neyðugt at hækka rentuna meiri.

Sostatt verður rentan verandi á fýra prosentum.

Skansabryggjan

Tórshavnar kommuna ætlar at útbyggja Skansabryggjuna norðureftir. Samtykt var í gjár at brúka eina millión til fyrireiking og prosjektering.

Men øll eru ikki fegin um hesa ætlanina.

 

Gestir: Malan Johansen, stjóri í Landsbankanum,  og Herleif Hammer, stjóri á Tjóðsavninum.

Kuril er komin á tráðin millum Landsverk og Tórshavnar kommunu um innkomuvegin til Havnar. 

Landsverk vil ikki rindað landsins part av innkomuvegnum. Tórshavnar kommuna hevur sent rokningar fyri 35 milliónir krónur til Landsverk.

Kommunan hevur fingið advokat at leggja trýst á Landsverk og á Fiskimálaráðið í málinum. Men tá tað heldur ikki bar á mál, hevur borgarstjórin í Havn havt fund við løgmann fyri at fáa hann at leggja trýst á Fiski- og samferðslumálaráðið.

Hevur Landsverk eina framtíð, og hvussu sær hon út?

Tað er kjarnin í einari greining, sum embætisfólk í miðfyrisitingini hava latið úr hondum, og sum nú er latin løgmanni.

Arbeiðsbólkurin nevnir tríggjar møguleikar:

- at dagføra verandi skipan við Landsverki,

- at fara aftur til skipanina, sum var galdandi fyri 2001, har aðalráðini sjálvi umsita byggiverkætlanir. Sostatt missir Landsverk leiklutin sum almennur byggiharri.

Verkfallið hjá sjúkrarøktarfrøðingunum tók aðra vend í gjár, tá ið Felagið Føroyskir Sjúkrarøktarfrøðingar boðaði frá, at tey, sum hava undantak at vera til arbeiðis, skulu fáa yvirtíðarløn.

Landsstýriskvinnan í fíggjarmálum vildi í gjár ikki siga, um limirnir fáa tað, og landssjúkrahúsið vísir til fíggjarmálaráðið, men hvat merkir hetta kravið fyri sjúkrahúsverkið?

 

Hjálparpakki

Hjálparpakkin sum landsstýrið samtykti í mars, er bara galdandi til 1. januar.

Frítt fiskarí er í roynd og veru á landgrunninum, tí har eru so nógvir óbrúktir fiskidagar. Tað merkir, at stovnarnir verða niðurfiskaðir, siga búskaparfrøðingar, sum vilja hava eina burðadygga fiskivinnu á landgrunninum.

Fyrimunir og vansar eru við bæði kvotaskipanum og fiskidagaskipanini, men vit eiga at hava eina áseting um, hvat skal gerast um ein stovnur er serliga illa fyri, heldur Petur Steingrund, fiskifrøðingur.

 

Neyðhjálp sleppur ikki fram í Gaza

Barsilsútgjaldið er ikki hækkað í 20 ár - tað skal tað nú, heldur andstøðan, sum hevur lagt eitt uppskot fyri tingið um at hakka útgaldið við 3.000 krónum.

Skipanin er eisini ov lítið smidlig fyri pápar og fólk, sum ikki eru í starvi og tí skal hon endurhugsast, heldur samgongan.

Fýra limir í rættarnevndini kjakast um broytingar í barsilsskipanini.

Val í Póllandi

Eftir spreingingina á einum sjúkrahúsið í Gasageiranum í gjárskvøldið, er spenta støðan blivin enn spentari.

Arabisku grannalondini siga, at ísrael hevur ábyrgdina, meðan ísrael peikar eftir einum yvirgangsfelagsskapi.

Í øllum ruðuleikanum er amerikanski forsetin lendur í Ísrael í morgun í eini roynd at kyrra partarnar.

Dennis Holm var greiður, tá hann kom til sum landsstýrismaður í fiskivinnumálum.

Brúksskylda skal vera galdandi fyri uppsjóvarfisk eisini, soleiðis at tey sum fáa kvotur frá landinum eisini skulu fiska tær - eisini línuflotin, sum fær makrelkvotur.

Í verandi lóg er eitt undantak, sum merkir, at línuskip og garnabátar, sum fáa makrel kunnu selja kvoturnar víðari til onnur at fiska.

Tað skal steðgast, heldur Dennis Holm, men hann hevur kortini ikki ásetingina í lógaruppskotinum, sum er á veg í tingið.

Eitt stríð, sum bara harðnar.

Tað tykist vera støðan í Ísrael og Palestina, sum aftur eru í blóðigum kríggi. 

Men hvat er søguliga orsøkin til ósemjuna?

Tað hava vit spurt søgufrøðingin, Hans Andrias Sølvará, og rithøvundin Hanus Kamban, sum júst hevur latið eina bók úr hondum um antisemitismu, frá ár 60 eftir Krist, til 1945.

Heini í Skorini, lektari á Fróðskaparsetrinum, verður í útvarpsstovuni.

 

Við í sendingini: Hanus Kamban, Hans Andrias Sølvará og Heini í Skorini.

Sálarheilsan hjá teimum ungu tykist vera í afturgongd, og á tiltaki í Løkshøll var ljós varpað á málið á altjóða sálarheilsudegnum.

Gera vit nóg mikið fyri at fyribyrgja, og hvussu hevði støðan verið, um meira varð gjørt við fyribyrging?

Fólkaskúlin

Alsamt fleiri næmingar kenna seg vera fyri happing í fólkaskúlanum.

Tað var ein av niðurstøðunum í trivnaðarkanning, sum varð løgd fram í farnu viku.

Men hví fara tølini skeivan veg? Og hvussu venda vit hesari gongdini?

Tað spyrja vit trivnaðaráðgeva í fólkaskúlanum um.