Breddin

Í ár verða fleiri enn 70 val hildin kring heimin, og tað kundi sæð út sum eitt sigursár fyri fólkaræðið, at meira enn helmingurin av heimsins íbúgvum búgva í londum, har tað í ár verður landsumfatandi val.

 

Men tað eru fleiri og fleiri, sum spyrja, um fólkaræðið, sum vit kenna tað hevur ein lokadag - og kann 2024 gerast eitt ár har valdsjavnvágin í heiminum broytist og harvið eisini støðan hjá vesturheiminum?

Tað verður ikki loyvt at taka pening frá ferðafólki fyri at ganga í haganum eftr nýggju lógini um burðadygga ferðavinnu.

Gjald skal takast frá øllum ferðafólkum, sum ikki eru skrásett at búgva í Føroyum, tað skal býtast millum kommunur, heimfólkið í bygdum og bøndir.

Haraftrat verður ásetingin í lógini um hegn frá 1937 strikað, sum sigur at ørindaleys ikki kunnu fara í hagan uttan at spyrja um loyvi frá bóndanum.

Eitt hugtak, sum hevur verið nógv frammi í seinastuni er fíggjarpolitiskt regluverk.

Landsstýriskvinnan í fíggjarmálum vil gjarna hava fíggjarpolitiskt regluverk - øll londini rundan um okkum hava tað - men hvat er tað? Og hevur Ruth Vang landsstýriskvinna í fíggjarmálum undirtøku fyri tí?

 

Tað hyggja vit uppá í Breddanum í dag.

Veiðiloyvini eru aftur knýtt at stálinum, og tað merkir, at bæði Vørn og skipaskrásetingin hava úr at gera.

Eitt nú eru fiskidagarnir á Føroya Banka áhugaverdir, og nógv skal til fyri at loyvini kunnu gagnnýtast til fulnar.

Hetta elvir summum trupulleikar.

55 prosent av húsarhaldsruskinum er matleivdir. Tað vísir ein kanning, sum kommunala brennistøðin hevur gjørt av 580 kilo av ruski í Tórshavnar Kommunu.

Matvøruhandlarnir royna at selja vørurnar áðrenn tær vera for gamlar, og minni fer burtur í dag, enn tað hevur gjørt, sigur umboð fyri fleiri matøruhandlar í Føroyum.

Ongar reglur eru fyri nær frukt og grønmeti skal burturbeinast - tað er altíð ein meting, sigur Heilsufrøðiliga starvstovan.

Eitt ár eftir, at Javnaðarflokkurin. Tjóðveldi og Framsókn vunnu valið tykist fólksliga undirtøkan at skinkla.

Nýggjasta spyr.fo kanningin vísir, at andstøðan hevur vunnið fimm tingsessir frá samgonguni og Fólkaflokkurin og sambandsflokkurin høvdu einsamallir kunnað skipað stjórn. 

Hvør er orsøkin til, at samgongan missir veljarar?

Eitt fall í úrtøku, sum ikki er sæð fyrr. Skelkandi føroysk úrslit.

So var hon aftur her. PISA frágreiðingingin.

Føroyskir fólkaskúlanæmingar hava stóra afturgongd í støddfrøði og lesing.

Sambært frágreiðingini er føroyska PISA-úrslitið, serliga í støddfrøði, skelkandi. 

Vit tosa við fýra av teimum fólkunum, sum hava gjørt kanningina. 

Tey eru Ingi Højsted, Erla Olsen, Páll Isholm og Laufey Haraldson Blaasvær.

Heilsumálaráðið royndi tilvitað at fjala upplýsingar fyri Kringvarpinum og Løgtingsins Umboðsmanni, sjálvt um Umboðsmaðurin fleiri ferðir royndi at fáa upplýsingar til høldar. 

Tí hevur aðalráðið fingið eina álvarsliga átalu frá Umboðsmanninum, sum er sent til løgtingið, løgmann og landsstýriskvinnuna í heilsumálum. 

Men hvat er hent, hví er tað álvarsamt og hvørjar eru avleiðingarnar?

Vit tosa við Turid Arge, aðalstjóra í Heilsumálaráðnum, og Duritu Sigmundsdóttir Djurhuus, løgfrøðing.

Føroyskir næmingar dumpa

Vit fáa færri børn, enn vit hava fingið.

Vit seta ikki longur fleiri í verðina, enn vit sjálvi telja, og tað fær ávaringarklokkurnar at ringja hjá fleiri fakfólkum.

Eru Føroyar ikki eitt nóg gott land at eiga børn í?

Er hetta eitt rák uttan úr heimi, sum nú er komið til okkara?

Tað kjakast nevndarlimir í Trivnaðarnevndini um í útvarpsstovuni.

Kvinnuhúsið í Havn fær fleiri og fleiri áheitanir.

Hetta rákið er ikki serføroyskt, tí eisini í grannalondunum eru alt fleiri, sum leita sær hjálp, tí tey eru ella hava verið fyri harðskapi.

Ráðgevi í Kvinnuhúsinum og sálarfrøðingur koma í útvarpsstovuna.

 

Versnandi livikor

Samstundis, sum fleiri hjálparfelagsskapir staðfesta, at talið á umbønum setur met, sigur landsbankastjórin, at føroysku húsarhaldini eru væl fyri.