Eftir spreingingina á einum sjúkrahúsið í Gasageiranum í gjárskvøldið, er spenta støðan blivin enn spentari.

Arabisku grannalondini siga, at ísrael hevur ábyrgdina, meðan ísrael peikar eftir einum yvirgangsfelagsskapi.

Í øllum ruðuleikanum er amerikanski forsetin lendur í Ísrael í morgun í eini roynd at kyrra partarnar.

Dennis Holm var greiður, tá hann kom til sum landsstýrismaður í fiskivinnumálum.

Brúksskylda skal vera galdandi fyri uppsjóvarfisk eisini, soleiðis at tey sum fáa kvotur frá landinum eisini skulu fiska tær - eisini línuflotin, sum fær makrelkvotur.

Í verandi lóg er eitt undantak, sum merkir, at línuskip og garnabátar, sum fáa makrel kunnu selja kvoturnar víðari til onnur at fiska.

Tað skal steðgast, heldur Dennis Holm, men hann hevur kortini ikki ásetingina í lógaruppskotinum, sum er á veg í tingið.

Eitt stríð, sum bara harðnar.

Tað tykist vera støðan í Ísrael og Palestina, sum aftur eru í blóðigum kríggi. 

Men hvat er søguliga orsøkin til ósemjuna?

Tað hava vit spurt søgufrøðingin, Hans Andrias Sølvará, og rithøvundin Hanus Kamban, sum júst hevur latið eina bók úr hondum um antisemitismu, frá ár 60 eftir Krist, til 1945.

Heini í Skorini, lektari á Fróðskaparsetrinum, verður í útvarpsstovuni.

 

Við í sendingini: Hanus Kamban, Hans Andrias Sølvará og Heini í Skorini.

Sálarheilsan hjá teimum ungu tykist vera í afturgongd, og á tiltaki í Løkshøll var ljós varpað á málið á altjóða sálarheilsudegnum.

Gera vit nóg mikið fyri at fyribyrgja, og hvussu hevði støðan verið, um meira varð gjørt við fyribyrging?

Fólkaskúlin

Alsamt fleiri næmingar kenna seg vera fyri happing í fólkaskúlanum.

Tað var ein av niðurstøðunum í trivnaðarkanning, sum varð løgd fram í farnu viku.

Men hví fara tølini skeivan veg? Og hvussu venda vit hesari gongdini?

Tað spyrja vit trivnaðaráðgeva í fólkaskúlanum um.

Tað brýtur í bæði borð í samgonguni. 

Meðan fleiri stórmál liggja á láni, hevur serliga eitt mál fingið ilt í samgongufólk, nevniliga nýggja prísskipanin, sum landsstýrismaðurin í samferðslumálum ætlar at seta í verk fyri Strandferðsluna.

Árni Gregersen og Beinta Løwe koma í útvarpsstovuna at gera viðmerkingar um politisku støðuna. 

 

Ísrael og Hamas

Ísrael var tikið á bóli, tá Hamas-felagsskapurin, sum hevur valdið í Gaza-geiranum, fór at skjóta rakettir inn í Ísrael um vikuskiftið.

Fosturtøkulógin skal endurskoðast, men kunnu vit semjast um, hvussu tann nýggja lógin skal smíðast?

Nei, siga Frítt val og Provita, sum í nýggjari dokumentarsending viðgera fosturtøkuspurningin. Vit tosa við báðar partar.

Og seinni í sendingini tosa vit við landsstýrismannin í lógarmálum og spyrja, hvussu hann ætlar at endurskoða fosturtøkulógina.

 

Gestir: Elisa Vang, Ruth Norðgerð og Bjarni Kárason Petersen.

Gjørt sendingina: Ruth Winther Poulsen, Marjun Dalsgaard og Birgit Carina Eliasen, sum var redaktørur.

Tøkningur: Rúni Eysturlíð.

Neyðugt er við einum nýggjum felagsskapi, sum kann koma í staðin fyri Ríkisfelagsskapin.

Tað sigur fyrrverandi sendimaðurin, Michael Zilmer-Johns, og fólkatingsmaðurin, Bertel Haarder.

Nýskipanir

Landsstýriskvinnan í fíggjarmálum má tryggja nýskipanir og breiðar semjur, men tað tykist torført at fáa slíkt samstarv í lag.

Men hví er tað so trupult at fremja nýskipanir í Føroyum? Tað spyrja vit í dag fyrrverandi politikarar um.

Jóannes Eidesgaard, Heðin Zachariasen og Bjarni Djurholm vera í útvarpsstovuni.

Fyrsta roynd at kanna, hvussu umfatandi kynsligur ágangur er í Føroyum, var løgd fram í gjár.

Enn er langt á mál - vit mangla tøl, sigur felagsskapurin, Kris.

Birgit Eliasen tosar við Erling Fles, Malan Kjærbo og Katrin Thorsvig Hansen.

Vetrarfrí er á veg

Landsstýrismaðurin í útbúgvingarmálum, Djóni Nólsøe Joensen, hevur sent uppskot um tað til hoyringar, men øll eru ikki so fegin um ætlanina.

Gestir: Djóni Nolsøe Joensen, Eivør í Stórustovu og Lý Gray Djurhuus.

Í dag fer tingið undir at viðgera uppskotið um fíggjarlóg fyri 2024

Men hvar eru neyðugu nýskipanirnar? Og eru flokkarnir sinnaðir at gera breiðar semjur um neyðug átøk.

Tað er evnið í Breddanum í dag.

Orðaskifti verður millum Aksel V. Johannesen, løgmann, og formann í Javnaðarflokkinnum, Bárð á Steig Nielsen, formann í Sambandsflokkinum, Beinir Johannesen, formann í Fólkaflokkinum, og Ruth Vang, landsstýriskvinnu í fíggjarmálum og forkvinnu í Framsókn.

Verkfallið hjá sjúkrarøktarfrøðingunum í Sjúkrahúsverkinum hevur nú vart í eitt gott samdøgur.

Undantøk eru kortini givin, at virksemi heldur fram á deildunum, men tað er munandi skert.

Vit frætta tað nýggjasta um støðuna frá Steinari Eirikstoft, forstjóra í Sjúkrahúsverkinum.

Í sendingini fara vit eisini at greina verkfallið saman við Estheri Dahl, sum í gamla starvi sínum sum ráðgevi í Vinnuhúsinum í mong ár var partur av samráðingunum á privata arbeiðsmarknaðinum, og Beintu Løwe, fyrrverandi tingkvinnu.