Fólkadómstólurin verður sterkari samstundis sum talið av talgildum pallum veksur.

- Men hvat er hetta í grundini fyri eitt fyribrigdi? Og er fólkadómstólurin ein grundarsteinur undir fólkaræðinum, ella er hann órættvísur og ódemokratiskur?

Í sendingini verður tosað við námslektara í heimspeki og stjórnmálafrøðing um evnið.

Vit spyrja: Er fólkadómstólurin vælkomin, ella er hann vandamikil?

 

Gestir: Jógvan D. Hansen, lektari í heimsspeki, og Regin Berg, stjórnmálafrøðingur.

Tøknirisarnir hava av álvara gjørt innrás í samfelagið, men hvørjar broytingar hevur tað í grundini ført við sær? Og eri hesar broytingar jaligar ella neiligar

Hóast stór ábyrgd fylgir við tøkniligari innrásini, so eru talgildir pallar sterk amboð, sum hava stimbrað undir fólkaræði. Tað sigur Eyðbjørt Skylv Midjord, miðlafrøðingur.

Men Heini í Skorini, lektari og granskari, heldur tað serliga eru tøknirisar, sum hava fingið størsta ágóðan av hesum. Og hóast sosialir miðlar hava givið okkum meira talufrælsi, er tað ikki neyðturviliga betri fyri samfelagið.

22 ár eftir, at fyrsta útoyggjaálitið bleiv handað løgtinginum, skal nú eitt nýtt orðast.

Tað upplýsti Bjarni Kárason Petersen, landsstýrismaður í lógarmálum, tá hann svaraði ein §52a fyrispurning frá Honnu Jensen, tingkvinnu fyri Framsókn.

Men hvat spurdist buturúr álitinum frá 2001, og hvat vónar man, at fáa burturúr einum nýggjum áliti?

Tað spyrja vit nøkur av teimum, sum búgva og virka á útoyggj, og so er formaðurin í Útoyggjafelagnum, Óli Jákup úr Dímun, eisini gestur í útvarpsstovuni.

Føroyar kláraðu seg væl gjøgnum koronokreppuna samanborið við onnur lond.

Tað hevur føroysk gransking staðfest. 

Men hvussu ávirkaði ein heimsumfantandi farsótt ungdómin í Føroyum? 

Og vita vit, um undantaksstøðan, sum gjørdist gerandisdagur, hevur ført við sær seinárin hjá børnum og ungum?

Gestir vóru Tóra Petersen, Djóni Eidesgaard og Beinta Dalbø.

Gjørt sendingina hava Birgit Carina Eliasen, Jógvan Skeel Nolsøe og Hallur av Rana, sum var redaktørur.

Bjørn Hentze Bech var tøkningur.

Feløg hjá føroyska kvotakonginum Gullak Madsen eiga nú nærum 16 prosent av partabrøvunum í Bank Nordik. 

Tað er greitt eftir, at bankin hósdagin í farnu viku boðaði keypsskálanum í Keypmannahavn frá, at bankin dagin fyri hevði fingið upplýst, at sp/f frá 25. september 1978 - við skrivstovu Undir Bryggjubakka 21 - nú eigur 500.000 partabrøv í BankNordik. 

Í prosentum svara tað til 5,2 prosent av partabrøvunum í bankanum. 

Ognarskapurin veksur

Frammanundan eigur Gullak Madsen longur fitt av partabrøvum í bankanum.

Neyðugt er við effektivari og størri bústovnum fyri fólki við serligum tørvi.

Tað vísir samgongan á, sum nú ætlar at byggja størri bústovnar. 

Men starvsfólkini á økinum, avvarðandi hjá búfólkum, forkvinnan í Megd og forkvinnan í Javna eru øll atfinningarsom. 

Tí spyrja vit í dag politikarar, hví tey hóast alt velja at gera størri bústovnar.

Gestir: Edvard Heen, stjóri í Almannaverkinum, Elsebeth Mercedis Gunnleygsdóttur, tingkvinna fyri Fólkaflokkin, og Sirið Stenberg, landsstýriskvinna í almannamálum.

Endometriosa

Hvussu kennist tað at ikki verða tikin í álvara, tá ein hevur pínu. Júst tað, uppliva nógvar kvinnur í sambandi við kvinnusjúkuna endometriosa. Ein orsøk er, at tað ikki er nóg vitan kvinnusjúkuna. Ein av kvinnunum, sum hevur sjúkuna, er Miriam Thomsen. Tað tók sjey ár, áðrenn hon fekk staðfest sjúkuna.

Hóast eitt søguliga lágt burðatal er fyri fyrstu ferð í 10 ár eingin fólkavøkstur millum føroyingar.

Tað eru nevniliga útlendingar, sum eiga fólkavøksturin, tí tað eru nú fleiri føroyingar sum flyta úr Føroyum enn til Føroya. 

Hvat merkir hetta - og - hvørjar avleiðingar kann tað fáa. 

Tann spurningin seta vit einum av rithøvundunum til bókina Exit Føroyar. 

Effektivir bústovnar

Neyðugt er við effektivari og størri bústovnum.

Tað staðfesti Aksel V. Johannessen, løgmaður, í ólavsøkurøðuni.

Ódnarveðrið Hans hevur í nátt herjað í norðurlendsku grannalondunum fyri eystan.

Tað hevur ført við sær áarføri, oyðilagdar vegir, yvirflóð og annað fleiri staðnis í Norra og Svøríki. 

Og norski forsætisráðharrin heitti í gjørkvøldið á norðmenn, um at taka støðuna í álvara.

Hvønn týdning hevur eitt próvtal? Og skulu vit yvirhøvur hava próvtøl í fólkaskúlanum?

Tað spyrja vit Djóna Nolsøe Joensen, landsstýrismann í skúlamálum, sum í farnu viku heilsaði teimum, sum júst hava fingið prógv, at próvtøl ikki eru líka týdningarmikil sum hvussu vit eru sum menniksju.

Hernaðarliga støðan

Stórveldini hava aftur fingið áhuga fyri Føroyum og ta strategisku staðseting oyggjarnar hava í Norðuatlantshøvum.