Breddin

Sjúkrahúsverkið er ov tungt og bureaukratiskt.

Tað sigur Hans Pauli Henryson, sum í næstu viku leggur frá sær um stjóri á Suðuroyar Sjúkrahúsi eftir fýra ár í sessinum.

Harvið er hann tann fyrsti av trimum stjórum, sum blivu settir í starv undir nýggja leiðslubygnaðinum, sum fer úr starvi. 

Vit hava hitt stjóran til eina longri samrøðu, nú hann riggar av. 

Vit vóru málið

Fólk við skerdum førleikum skulu hava fleiri møguleikar á arbeiðsmarknaðinum.

Hvussu gera vit føroyska arbeiðsmarknaðin meiri fevndandi? Hvørjir ágóðar eru av, at fleiri fólk við skerdum førleikum sleppa á arbeiðsmarknaðin? Og hvørjar avbjóðingar eru at fáa tey út á arbeiðsmarknaðin?

Bjørg Dam, forkvinna í ADHD-felagnum og arbeiðsgevari, Erling Fles, sálarfrøðingur, og Jórun Gardar, ráðgevi í Vinnuhúsinum, skifta orð um málið í útvarpsstovuni.

 

Tunfiskiskapur í føroyskum sjógvi

Føroyar skulu verjast fyri KT-álopum.

Tað er eitt av endamálunum í nýggju nettrygdarætlanini, sum var latin landsstýrismanninum í uttanríkis- og vinnumálum fyri góðum tveimum vikum síðani.

Men kvat er KT- trygd? Eru Føroyar nóg væl vardar fyri álopum á netinum? Og fer nýggja nettrygdarætlanin at gera nakran mun?

Tóri Højgaard, stjóri í Dátueftirlitinum, og KT-trygdarserfrøðingarnir, Torben Voss Nielsen og Kristian Eli Zachariasen, skifta orð um málið í Breddanum í dag.

 

Gestir: Tóri Højgaard, Torben Voss Nielsen og Kristian Eli Zachariasen.

Tá Masha Amini fyri einum árum ári síðan bleiv dripin av iranska moralpolitinum skapti tað eina flóðaldu av mótmælum móti harðrenda prestastýrinum. Men gjørdu mótmælini nakran mun?

Liv uttan harðskap er nýggja navnið hjá ambulanta tilboðnum í Kvinnuhúsinum. Hvønn týdning hevur eitt slíkt tilboð? Vit tosa við leiðaran í Kvinnuhúsinum.

Somuleiðis tosa vit við verkætlanarleiðara fyri Sig frá-verkætlanini um heildarætlanina, sum varð latin úr hondum síðst í august.

 

Gestir: Turið Maria Jóhansdóttir, Farideh Azadi, Eyðvør Tausen Olsen og Anna Katrin Matras.

Úrslitini av ílegukanningunm hjá okkum føroyingum, sonevndu Fargen kanningarnar, eru nú komnar somikið áleiðis, at úrslitini kunnu brúkast ítøkjuliga til ráðgeving um okkara heilsu. Hvat læra vit og hvussu brúka tað?

Tað skulu vera færri næmingar í hvørjum skúlaflokki. Tað ætlar landsstýrismaðurin í skúlamálum, sum fyrr í ár, fekk handað eitt álit um fólkaskúlan.

Men hvat byggir hetta álitið á?

Hvørjir eru fyrimunirnir og vansarnir við at minka um talið av næmingum í hvørjum flokki?

Og letur hetta seg gera við teimum skúlakørmum sum eru í dag?

Enn er kunngerðin, sum ásetur hvussu fiskidagar verða fluttir frá einum skipi til eitt annað, í bólki 2 ikki broytt hóast hon er í stríð við endamálið við lógini um sjófeingi, sum sigur at veiðiorkan ikki má økjast. Møguleiki er fyri at minst 6 skip aftrat koma inn í fiskidagaskipanina - størri og effektivari. Og í Svøríki byrjaði stórsta rættarmálið í landinum í síðstu viku. Tveir fyrrverandi stjórar í felagnum Lundin Oil eru ákærdir fyri krígsbrotsverk í Sudan. Men hvussu hongur hetta málið saman? Karl Mogren, frá svensku rásini TV4 greiðir frá um sermerkta málið.

Óvissurnar valda framvegis um stóran part av kommunalu fíggjaætlanunum fyri komandi ár. Kommunurnar vita enn ikki hvussu lønarlyft, tøkugjøld, veiðigjøld, stytt arbeiðsvika, kommunala skuldarmarkið og havnastongsul fara at ávirka kommunukassarnar, og hvat tær fáa afturborið úr landskassanum.

Tí meðan kommunurnar bíða, situr landsstýrið sjálvt og fyrireikar fíggjarlógina fyri komandi. Sama landsstýrið, sum skal góðkenna kommunalu fíggjarætlaninar.

Tí spyrja vit í morgun, hvat hava kommunurnar í væntu tá óvissa valdar á fleiri økjum.

Ukrainski sendiharrin í Danmark Vidionyk Mikheilo er gestur í Breddanum.

Hann verður spurdur, hvat Ukraina kann gera fyri at fáa mongu flóttafólkini heimaftur, og hvussu sær ein møgulig friðartilgongd út, nú hálvt annað ár er liðið, síðani Russland leyp á Ukraina.

 

Vandamiklar nikotinvørur

Fleiri ung eru farin at snúsa, og tað hevur vanda fyri krabba í vælindinum og brisinum við sær.

Vit tosa við stjóran í Fólkaheilsustýrinum um trupulleikan við snúsi.

 

Gestir: Bjarni á Steig, Mykhailo Vydoinyk.

Skulu serskattaskipanir, sum gera tað lokkandi at fara av landinum at arbeiða, takast av?

Ja, heldur landsstýriskvinnan í fíggjarmálum.

Búskaparráðið, sum júst er komið við sínum tilmælum í heystfrágreiðing, sigur eisini ja, men hvat sigur tingið?

Tað spyrja vit um hesuferð í Breddanum, tá limir í fíggjarnevndini fara at skifta orð um málið í útvarpsstovuni.

 

Gestir: Eyðgunn Samuelsen, Eirikur í Jákupsstovu, Sólvit Nolsø, Beinir Johannesen og Magnus Rasmussen.