Breddin

Samfelagið skríggjar eftir arbeiðsmegi.

Hetta er bara ein av yvirskriftunum seinnu árini, sum bera vitnisburð um búskaparligu hjólini, sum hava malið so mikið skjótt, at trupult hevur verið hjá vinnulívinum at fylgt við eftirspurninginum.

Og tá tað ikki eru nóg nógvar hendur til tann - til tíðir at tykjast - ómettaða hugin hjá vinnulívinum at vaksa meira, er neyðugt at útvega arbeiðsmegina aðrastaðni frá.

Loysnin hevur verið at lata slúsurnar upp fyri arbeiðsmegi úr øðrum londum.

Eina ella tvær brennistøðir? Fáir spurningar elva til eins nógv kjak millum kommunupolitikarar sum hesin. Og tað er við jøvnum millumbilum.

Vit seta tveimum fyrrverandi kommunalpolitikarum, Elina Lidenskov og Hilmari Danielsen, stevnu fyri at fáa greiðu á, hví júst hetta málið er so torført at loysa. 

Príshækkingar

Príshækkingar - serliga seinasta árið - síðani Russland gjørdi innrás í Ukraina, hava havt stóra ávirkan á, hvussu gerandisdagurin háttar sær hjá nógvum føroyingum.

Heimaflotin er í kreppu. 

Tað er dapri boðskapurin frá trimum feløgum, Garnaskip, Trolskip og Lemmatrolarar, sum umboða heimaflotan.

Kjarnin í trupulleikanum er, at tey bert kunnu fiska undir Føroyum, og fiskiskapurin hevur verið vánaligur leingi.

Umboð fyri politisku flokkarnir koma á gátt í útvarpstovuna at kjakast um framtíðina hjá heimaflotanum.

Landsstýrismálanevndin

Meðan løgtingið er farið í summarfrí, er landsstýrismálanevndin farin til verka.

Er nakað eftirlit við teimum arbeiðsgevarum, sum fáa útlendingar til arbeiðis gjøgnum snarskipanina. Og hvørja hjálp ella kunning fáa útlendingar, sum koma til landið at arbeiða. 

Tað eru nakrir av spurningunum, sum standa ósvaraðir eftir dokumentarin Uppihald í óvissu.

Sólva G. Dam, deildarleiðari fyri Útlendingastovuna, sum varðar av snarskipanini, vitjar sendingina. 

Almenn partafeløg

Hvat ætlar landsstýrið við almennu partafeløgunum?

18. november 2021 sá snarskipanin, fast-track, dagsins ljós.

Endamálið við nýggju skipanini er at útvega arbeiðsmegi til ein kroystan arbeiðsmarknað, sum tá var merktur av søguligum lítlum arbeiðsloysi.

Men hvørji krøv verða sett til arbeiðsgevarar, hvat verður gjørt fyri at hjálpa útlendingum at gerast ein partur av føroyska samfelagnum, og hvar fara útlendsku arbeiðstakararnir, um okkurt er galið.

Hesir spurningarnir verða settir í Breddanum hesuferð.

 

Gestir: Erika Anne Hayfield, Jens Martin Knudsen, Ken Nónklett, Kári Holm Johannesen

Kommunulæknaskipanin

Hvussu skal kommunulæknaskipanin skipast frameftir?

Tann spurningurin gjørdist brádliga aftur aktuellur, tá Margit Stórá fyri viku síðan upplýsti, at hon arbeiðir við einari ætlan at yvirtaka tann partin av skipanini, sum kommunurnar í dag umsita.

Men er undirtøka fyri ætlanini hjá samgonguni? Tað spyrja vit kommunulæknafelagið, kommunufelagið og partar av andstøðuna um í dag

Ung og sálarheilsa

Hvussu eru miðnámsskúlanæmingar fyri sálarliga? Tað varpar ein nýggj kanning ljós á.

Fishfacts hevði almenna framløgu í morgun, har greitt verður frá russiska fiskiskapinum í Irmingarhavinum og í føroyskum og altjóða sjógvi frá 2020 til 2023.

Sambært tølum hjá Fíggjarmálaráðnum, hava serskattaskipanir við sær, at landið missir umleið 300 milliónir krónur árliga.

Skulu vit varðveita hesar skipanirnar, sum komu í gildi, tá ið arbeiðsloysi var stórt í Føroyum, ella skulu tær strikast, nú tørvur er arbeiðsmegi?

Beinir Johannesen í Fólkaflokkinum, Hanna Jensen í Framsókn og Eirikur í Jákupsstovu í Tjóðveldi kjakast um evnið í útvarpsstovuni.

Skíggjanýtsla

Fólkaheilsuráðið mælti fyri fleiri árum síðani til at avmarka skíggjanýtsluna hjá børnum. Men kortini nýta flestu børn nógvar tímar framman fyri skíggjan hvønn dag.

Gitte Klein, sálarfrøðingur, sum var við til at orða nýggju skíggjaráðini, verður í útvarpsstovuni.

Politiska støðan

Seks mánaðir eftir seinasta løgtingsval vísir nýggj spurnakanning, at samgongan hevði mist meirilutan, um val var í dag.

Politisku viðmerkjararnir, Doris Bjarkhamar og Árni Gregersen, greina politisku støðuna.

Málið um gongd í haga er framvegis ikki loyst.

Í Mykinesi krevja tey pening inn, tá ferðafólkini koma í land. Í Saksun stendur eitt gjaldsportur fyri fólki á fjórða ári á rað og Høgni Hoydal er 4. landsstýrismaður, sum hevur sett sær fyri at loysa málið um ferðavinnuna og føroysku náttúruna. Men fer tað at eydnast? Og hvat siga limirnir í rættarnevndini har eitt uppskot um eina lendisætlan væntandi skal viðgerðast til ferðavinnu og gongd í haga.

Bakkafrost fer at niðurlaga íløgur og møguliga alt góðskingarvirksemi í Føroyum.

Tað var boðskapurin frá peningasterkastu fyritøkuni í Føroyum fyrr í vikuni.

Men er tað bara tómar hóttanir og trýst á politisku skipanina, tá risafyritøkan sigur seg vera noydda at niðurlaga virksemið i Føroyum vegna hækkaða tøkugjaldið? Ella hevur politiska skipanin lagt so stórt trýst á alivinnuna, at her ikki er verandi?