Breddin

Ofta verður angist og tunglyndi í sambandi við barnsburð ikki uppdagað nóg skjótt, og mammur fáa tí ikki røttu hjálpina og hóskandi stuðulin. Tað vísir nýggj kanning, sum verður løgd fram í dag.

Politiska støðan

Nýggju revsitiltøkini móti Russlandi druknaðu beinanvegin í ivasama talgrundarlagnum, sum landsstýrið legði fyri dagin á tíðindafundinum á Viðareiði hósdagin í síðstu viku.

Tað almenna skal ikki taka ímóti gávum við treytum. Tá gávur verða lætnar, skal tað vera fult gjøgnumskygt og uttan treytir.- Tað siga tær báðar Súsanna Olsen námslektari á Fróðskaparsetri Føroya og Beinta Løwe fyrrverandi tingkvinna og journalistur.

Rúsevnissmuglingin til Føroya er ikki nýtt fyribrigdi, men okkurt bendir á, at meira verður smuglað nú, og nøgdirnar eru eisini størri.

Rúsevnisnøgdir, sum hava milliónavirði á gøtuni.

Umfatandi havnarstongsil og avmarkaðir møguleikar hjá russum, at keypa tænastur í Føroyum

Hesi eru tiltøkini, sum landsstýrið nú setir í verk móti Russlandi, tað var upplýst á tíðindafundi á Viðareiði fyrrapartin.

Men landsstýrið fer ikki at taka støðu til fiskiveiðisamstarvið við Russland í 2024 fyrr enn í heyst.

Gestir: Høgni Hoydal, Aksel V. Johannesen og Ruth Vang

Gjørt sendingina hava Jógvan Skeel Nolsøe, Kári Mikkelsen og Frants Jensen, sum eisini er redaktørur.

Teknikari er Høgni Fagraberg

Møgulig tiltøk móti Russlandi í sambandi við innrásina í Ukraina 24. februar í fjør draga út, og nú meira enn 15 mánaðir eftir russisku innrásina, eru framvegis eingi stórvegis tiltøk sett í verk.

Í gjár var framløga í Løgtinginum av einum uppskoti um at geva landsstýrinum heimild til at seta tiltøk í verk, men onki um innihaldið í tiltøkunum.

Innihaldið skal viðgerast í uttanlandsnevndini, og um hon góðtekur hetta, er tað upp til landsstýrið at seta tiltøkini í verk.

Næmingatalið í flokkunum í fólkaskúlunum verður lækkað úr 24 niður í 20 næmingar, skúladagurin hjá næmingunum skal styttast, tvílæraraskipanin skal víðkast til at fata um bæði grund- og miðdeild, teir einstøku skúlarnir fáa størri frælsi at leggja til rættis, og lærarar skulu hava fleiri eftirútbúgvingar.

Hetta er millum tilmælini um broytingar í fólkaskúlalógini, ið ein arbeiðsbólkur er komin við og hevur handað Djóna Nolsøe Joensen, landsstýrismanni í barna- og undirvísingarmálum.

My AI er nýggi vinurin í telefonini hjá milliónum av børnum og ungum kring allan heim, sum brúka væl umtóktu appina Snapchat.

Men My AI er ikki ein persónur, tað er eitt vitlíki. Eitt vitlíki, sum vil hjálpa tær við alskyns spurningum. 

Tí mugu børn og ung vera varin fyri hesum nýggja vini. Tað sigur Súsanna í Króki, SSP-ráðgevi.

Kampen om ytringsfriheden

Trygdarpolitikkur verður alsamt meira brúktur sum ein orsøk til at avmarka talufrælsi hjá borgarum.

Turið F. Arge stendur nú einsamøll á odda fyri BankNordik-samtakinum.

Men hvørjar ætlanir hevur hon fyri bankan, og hvussu fer tað at merkjast, at leiðslan er nýggj?

Vitlíki

- Tøknin rennur undan, og vit renna aftaná.

Tað sigur nevndarlimur í Lærarafelagnum, sum eftirlýsir reglugerðir og vegleiðingar fyri, hvussu lærarar skulu fyrihalda seg til nýggju tøknina innan fyri vitlíki, nú landsroyndirnar eru byrjaðar.

Luttakarar: Turið F. Arge, Eyðbjartur S. Skaalum og Eyðun Gaard.

Í gjár fekk Sirið Stenberg, landsstýriskvinna í almannamálum, handað eina áheitan frá einum bólki av pensjónistum, sum vilja hækka markið fyri mótrokningina úr núverandi 45.000 krónum upp í 154.791 krónur. 

Tað skal loysa seg betri hjá pensjónistum at arbeiða, er boðskapurin.

Tað hendir tvær vikur eftir, at samgongumeirilutin á tingi feldi eitt uppskot hjá Sambandsflokkinum um at strika mótrokningina.

Eftir summarfrítíðina vera minst 20 flokkar í fólkaskúlanum, sum hava fleiri enn 24 næmingar í flokkinum.

Hetta hendir, sjálvt um 24 næmingar er hámarkið fyri, hvussu nógvir næmingar skulu vera í hvørjum flokki, sambært fólkaskúlalógini.

Vit tosa við skúlar, Undirvísingarstýrið og formannin í Føroya Lærarafelag.

Gransking

Føroyar hava fingið sjálvstøðugan limaskap í stýrinum fyri norðurlendska stovnin, Nordforsk, og tað fer eisini at at geva onkrar nýggjar møguleikar fyri gransking.