Breddin

Tríggjar ferðir fekk ein føroyskur útrórðarmaður eina sonarboyu á línuna. Sonarboyur verða brúktar av herinum til at finna kavbátar hjá fíggindanum.

Í sendingini "Skyggekrigen: De russiske spionskibe" sum var víst á DR í gjár, sigur norski lektarin á Sjørkrigsskolen, Ståle Ulriksen, at russisk fiskiskip kunnu brúka sonarboyur til at finna amerikanskar kavbátar við.

Stjórin á Vørn heldur at talan kann vera um leivdir frá NATO venjingum.

 

Trygdarpolitikkur

Hvør ræður í Føroyum?

Tann spurningurin hongur yvir báðum evnunum vit hava á Breddanum í dag.

Fyrra er, nær eitt mál verður eitt trygdarmál, og harvið fellir undir trygdarpolitikk, sum ikki er yvirtikið. Spurningurin hevur reist seg enn einaferð nú norðurlendskir miðlar vísa á, at russisk skip hava illgrunarsama atferð, millum annað kring Føroyar, og møguliga njósnast.

Og seinna evni er um gávur.

Eitt er gávan, sum Klaksvíkar Sjúkrahús hevur fingið frá intil víðari ónevndum vinnuligum fyritøkum í Klaksvík, Leirvík og Fuglafirði. Ein framkomin MR-skannari.

Føroyskir fiskimenn fáa ov vánaligan svøvn - og tað gongur út yvir teirra heilsu, og økir um vandan fyri arbeiðsóhappum umborð. Tað er niðurstøðan í Ph.D ritgerð hjá Annbjørg Abrahamsen um yvirmøði hjá fiskifólki. Hennara gransking staðfestir, at hvíldin er alt ov lítil innan fleiri skipabólkar, og tað gongur bæði út yvir heilsu og trygdina umborð. Annbjørg Abrahamsen hevur kannað arbeiðsumstøðurnar umborð á ísfiskalínuskipi, frystilínuskipi, garnaskipi og trolbátum størri enn 40 tons. 157 fiskimenn eru við í kanningini, sum fevnir um 18 túrar við 16 ymiskum skipum.

Andrew Tate er sera væl umtóktur á sosialum miðlum, eitt nú TikTok, har hann deilir síni víðgongdu sjónarmið um kvinnur. Hansara upptøkur eru sæddar 11 milliardir ferðir. Í 2022 var Andrew Tate bannaður á Facebook, Instagram - og síðani eisini á TikTok og YouTube. Andrew Tate flutti til Rumenia í 2017, og í desember 2022 varð hann handtikin, ákærdur fyri neyðtøku og ólógligan menniskjahandil. Hann er nógv umrøddur - og umstríddur - men hvør er Andrew Tate? Er hann veruliga vandamikil? Og er Andrew Tate viðkomandi í Føroyum?

Eitt russiskt fiskiskip, sum er undir illgruna fyri at fremja njósnaravirksemi, liggur hesi løtu við bryggju í Havn. Talan er um trolaran Lira. Trolarin kom á Havnina mánadagin, júst sum Høgni Hoydal, landsstýrismaður í uttanríkismálum, og Troels Lund Poulsen, verjumálaráðharri, sótu á fundi í Tinganesi fáar metrar burturi. Og tað eru fleiri russisk fiskiskip, sum eftir øllum at døma fremja njósnaravirksemi í norskum øki. Tað er niðurstøðan í nýggjari dokumentarsending, sum norðurlendsku public service kringvarpsstøðirnar DR, NRK, SVT og YLE hava gjørt í felag.

Annbjørg Abrahamsen hevur júst vart eina Ph.D ritgerð um yvirmøði hjá fiskifólki. Hon hevur kannað arbeiðsumstøðurnar umborð á ísfiskalínuskipi, frystilínuskipi, garnaskipi og trolbátum størri enn 40 tons. Kanningarnar eru gjørdar yvir 15 mánaðir frá 18 túrum við 16 ymiskum skipum. 157 mans vóru við í kanningini. Felags fyri tey skip, sum vóru við í kanningini hjá Annbjørg Abrahamsen er, at tey bert hava eina manning og onga skipan fyri frítúrar.

Um tú ert sum fólk flest, er snildfonin allarhelst altíð við tína lið. Og snildfonin er snild, men hon elvir eisini til alsamt fleiri tvístøður.

Tað kenna tey til á fólkaskúlunum rundt landið - og fleiri hava sett spurningin: skal snildfonin úr skúlastovunum? 

Tóra Petersen, sálarfrøðingur og Jacob Eli Joensen, formaður í Føroya Lærarafelag, vitja í útvarpsstovuni.

Fátækramark

Tað er ein trupulleiki, tá ið hjálparpakkar skulu veitast, at tað ikki finnast nóg neyv hagtøl fyri hvørjum tørva hjálp.

Føroyar eru einasta norðurland, sum ikki hevur eitt talvlandslið við kvinnum.

Hvat er tað, sum ger, at so fáar kvinnur telva? Skal okkurt gerast fyri at fáa fleiri kvinnur at seta seg við talvborðið? Og um so er, hvat er tað, sum skal gerast?

Teir spurningarnar spyrja vit Inga Wiberg, formann í Talvsambandinum, og Herborg Hansen, sum er ein av teimum fáa føroysku kvinnunum, sum hevur luttikið í kappingum.  

Almenn partafeløg

Nær og í hvønn mun skulu almenn partafeløg sleppa at kappast á privata marknaðinum?

Tað er eitt ár síðani, at ein heildarætlan móti rúsevnismisnýtslu varð latin táverandi løgmanni. 

Heildarætlanin var úrslit av einum arbeiðsbólki, sum tosaði við fleiri enn 70 hoyringspartar. Burturúr tí spurdist ein røð av tilmælum - 58 í tali -og skuldu tey setast í verk fram til 2028.

Men nú eitt ár er liðið, er enn einki tiltak sett í verk. 

Tormóður Stóra, leiðari á Psykiatriska deplinum, og Magni Højgaard, leiðari í Megna títt Lív, eru í útvarpsstovuni.

Lønarsamráðingar

153 milliónir krónur í halli á fíggjarlógini næsta ár. 

Tað er veruleikin, um ikki okkurt verður gjørt fyri at broyta tað. 

Tað vísa játtanarkarmarnir fyri 2023, sum Ruth Vang, landsstýriskvinna í fíggjarmálum, legði framm í dag. 

Vit tosa við landsstýriskvinnuna.

Tøku- og Veiðugjøldini í tingið

Løgtingið byrjaði í dag fyrstu viðgerðirnar av bæði tøku- og veiðugjøldunum.