Þrjú fyrirtæki, Borealis Data Center, atNorth og Verne Global, reka sjö gagnver hér á landi. Vern rekur eitt, atNorth þrjú og Borealis þrjú. Miklar breytingar eru að verða á starfsemi gagnaveranna - þau eru að færa sig úr hinum umdeilda rafmyntagreftri. Ragnhildur Thorlacius ræðir þessa þróun við Bergþóru Halldórsdóttur, einn stjórnenda Borealis, sem rekur gagnaver við Korputorg, Fitjar og Blönduós.

Tim Walz, ríkisstjóri Minnesota, verður varaforsetaefni Kamölu Harris í bandarísku forsetakosningunum í nóvember. Walz sextugur, árinu eldri en Harris, fæddur og upp alinn í smábæjum í Nebraska. Hann er kvæntur, tveggja barna faðir með 24 ára feril í þjóðvarðliði Bandaríkjahers að baki. Hann starfaði lengi sem gagnfræða- og menntaskólakennari áður en hann var kosinn í fulltrúadeild Bandaríkjaþings 2006. Þar sat hann til 2018, en þá var hann kjörinn ríkisstjóri Minnesota. Hann þykir frjálslyndur, líklega sá frjálslyndasti úr þeim hópi karla sem líklegastir þóttu til að verða varaforsetaefni Harris.

Umsjón: Ævar Örn Jósepsson

Tæknimaður: Kári Guðmundsson