Een van die mooiste herehuise op die dorp brand af. Plakkers het onlangs weer daar ingetrek. Elfra doen ʼn koerantstorie daaroor, maar vind meer uit as wat sy verwag het. Otto dryf haar om na nóg inligting te soek.

Wessel en Corlia gaan ry fiets teen Porseleinberg, maar hul rit word onverwags kortgeknip. Omdat Melissa nie die radiostasie in haar huis wil laat inrig nie, maak die twee ʼn ander plan. Maar ʼn groot skok wag op hulle.

Die rioolgemors in Porseleinberg se hoofstraat word opgeruim, maar teen ʼn prys. Elfra besoek Melissa en vertel haar hartseer nuus. Corlia daag op met ʼn onverwagse aanbod wat die geharde Melissa twee keer laat dink.

Slaptjip ruik ʼn onaardige stank in die hoofstraat en kom agter die dorp se rioolwerke is nie meer funksioneel nie. Hy besluit om iets daaraan te doen. Otto dreig om die storie op Windhond se voorblad te plaas. Dan sien hulle die nuwe joernalis/omroeper, Wessel Vorster, met ʼn bakkie vinnig verbyry – agterop is verdagte toerusting.

Elfra hoor by die gesiene sakevrou Melissa dat sy nie sal toelaat dat ʼn nuwe radiostasie geopen word nie. Maar sy ontdek ook dat daar tevore ʼn private radiostasie op die dorp was en dat al die toerusting steeds daar is en dus gebruik kan word.

Wessel probeer tannie Dottie van Kolwyntjie help om ʼn nuwe kragopwekker aan die werk te kry. Otto daag op en krap almal se lewens om, veral Wessel s’n met sy planne vir ʼn gemeenskapsradiostasie. Albei is hardekoppe en hulle stuur af op ʼn liederlike botsing.

Daar is konsternasie in Kolwyntjie, want die befoeterde redakteur Otto Marais se wegneemslaai is nie gereed nie. Wanneer hy opdaag, dreig hy boonop vir Dottie en Slaptjip met die gesondheidsowerhede… wat katastrofiese gevolge vir hulle kan hê.

Otto, die befoeterde redakteur van die plaaslike koerant Windhond, roep die adjunkredakteur, Elfra, na sy kantoor. Dit blyk dat hulle twee ʼn geskiedenis het. Dan vertel sy vir hom skokkende nuus.

Die joernalis Wessel soek blyplek op Porseleinberg en daag by die spog gastehuis Briekaandraai op. Met die eerste deurloop besluit hy dit is die regte plek vir sy nuwe radiostasie. Maar die eienares, Melissa, steek ʼn stokkie voor sy planne. Als is nie verlore nie, want hy ontmoet die pragtige Corlia.

Tannie Dottie van die tuisnywerheid Kolwyntjie op die plattelandse dorp Porseleinberg, se lewe word omgekeer wanneer die aantreklike jong Wessel daar opdaag. Hy soek na ʼn plek om sy nuwe radiostasie te vestig. Hy beloof om ʼn rewolusie op die rustige dorpie teweeg te bring wat almal gaan omkrap.