គណៈកម្មការ​សភា​ទទួល​បន្ទុក​ស៊ើបអង្កេត​ព្រឹត្តិការណ៍​វាយសម្រុក​ចូល​វិមាន​កាពីតូល ថ្ងៃទី ៦​មករា​២០២១ បានបោះឆ្នោត​​ព្រមព្រៀង​គ្នា​ជា​ឯកច្ឆ័ន្ទ​ នៅថ្ងៃ​ទី ១៣​តុលា​២០២២ ថា​នឹង​ហៅ​អតីត​ប្រធានាធិបតី​អាមេរិក លោក ដូណាល់ ត្រាំ ឱ្យ​ចូល​មក​បំភ្លឺ​ ទង្វើ​​របស់​លោក​ក្នុង​ថ្ងៃ​នោះ។ លិខិត​កោះ​ហៅ​នឹង​ទៅ​ដល់​ដៃ​លោក ដូណាល់ត្រាំ នៅ​រវាង​ពីរ​បី​ថ្ងៃ​ខាង​មុខ​។ លោក​ដូណាល់​ត្រាំ បាន​បញ្ចេញ​ប្រតិកម្ម​ភ្លាម​ដោយ​គ្មាន​បង្អង់​ទេ។