នៅ​ថ្ងៃ​ទី​១០​ ខែ​កក្កដា ​ឆ្នាំ​២០២១​នេះ​ គឺ​គំរប់​ខួប​៥ឆ្នាំ​ នៃ​ឃាតកម្ម​បាញ់​សម្លាប់​លោក​បណ្ឌិត​ កែម ឡី​ អ្នក​វិភាគ​នយោបាយ ​និង​សង្គម​ដ៏​ល្បី​នៅ​ក្នុង​ប្រទេស​កម្ពុជា​។ រយៈពេល​៥​ឆ្នាំ​មក​នេះ​ ក្រុម​អង្គការ​សង្គមស៊ីវិល​ ​នៅ​តែ​បន្ត​ទាមទារ​ឲ្យ​ផ្តល់​យុត្តិធម៌​ពិត​ប្រាកដ​ដល់​ក្រុម​គ្រួសារ​លោក​ កែម ឡី ​បើ​ទោះ​បី​សំណុំ​រឿង​នេះ​ត្រូវ​បាន​បិទ​បញ្ចប់​ ដោយ​តុលាការ​សម្រេច​ផ្តន្ទាទោស​ឈ្មោះ ​អឿត អាង ​ហៅ ​ជួប សម្លាប់ ​ដាក់​ពន្ធនាគារ​អស់​មួយ​ជីវិត​ក៏​ដោយ​។ ទោះ​យ៉ាង​ណា ​ក្រុម​អង្គការ​សង្គម​ស៊ីវិល​ បាន​លើក​ឡើង​ដដែល​ថា​ វប្បធម៌​និទណ្ឌភាព​នៅ​កម្ពុជា​នៅ​តែ​មិន​ទាន់​អាច​ដោះស្រាយ ​ខណៈ​ដែល​រដ្ឋាភិបាល​ថា ​ការ​លើកឡើង​នេះ​ ជា​របៀបវារៈនយោបាយ ​ជា​ជាង​ច្បាប់​។