លោក​នាយករដ្ឋមន្រ្តី​ហ៊ុន សែន ​នៅ​ព្រឹក​ថ្ងៃ​អង្គារ​ ទី​១៥​ ខែ​ធ្នូ​ បាន​បញ្ជាក់​ថា​ ព្រឹត្តិការណ៍​សហគមន៍​២៨​វិច្ឆិកា​អាច​គ្រប់គ្រង​បាន​ តែ​មិន​ទាន់​អាច​ប្រកាស​បិទ​បញ្ចប់​បាន​ទេ​ ដោយសារ​តែ​មូលហេតុ​មួយ​ចំនួន​។ លោក​ហ៊ុន សែន ​ក៏​អះអាង​ថា​ការ​ឆ្លង​រាលដាល​នៃ​ជំងឺ​កូវីដ១៩​ចេញ​ពី​«ព្រឹត្តិការណ៍សហគមន៍២៨វិច្ឆិកា»​មិនមែន​ជា​ការ​ឆ្លង​ចូល​សហគមន៍​ក្នុង​ទ្រង់ទ្រាយ​ធំ​ទេ​។ ទោះ​ជា​មាន​ការ​គ្រប់គ្រង​បាន​ តែ​អ្នក​តាមដាន​សង្គម​ និង​អ្នក​ជំនាញ​សុខាភិបាល​នៅ​តែ​ក្រើន​រំលឹក​ឲ្យ​ប្រជាពលរដ្ឋ​ប្រុង​ប្រយ័ត្ន​ខ្ពស់​ ខណៈ​ស្ថានភាព​នៅ​លើ​ពិភពលោក​មិន​ទាន់​ធូរស្រាល​។