ប្រទេស​កម្ពុជា​នៅ​ថ្ងៃ​ទី​១១​ខែ​មីនា​ ឆ្នាំ​២០២១​នេះ​ បាន​ប្រកាស​ដាក់​ឲ្យ​ប្រើ​ច្បាប់​ស្តី​ពី​វិធានការ​ទប់ស្កាត់​ការ​ឆ្លង​រាលដាល​នៃ​ជំងឺ​កូវីដ​១៩​ និង​ជំងឺ​ឆ្លង​កាច​សាហាវ ​និង​ប្រកប​ដោយ​គ្រោះថ្នាក់​ធ្ងន់ធ្ងរ​ផ្សេងៗ​ទៀត​ ក្រោយ​ច្បាប់​នេះ​ត្រូវ​បាន​រដ្ឋាភិបាល​ធ្វើ​ឡើង​ដោយ​បន្ទាន់​។ ច្បាប់ ​ដែល​មាន​៦​ជំពូក​ និង​១៨​មាត្រា​នេះ​ ត្រូវ​បាន​ធ្វើ​ឡើង​ ខណៈ​ដែល​ប្រទេស​កម្ពុជា​កំពុង​ឆ្លង​រាលដាល​ជំងឺ​កូវី១៩​ ក្នុង​សហគមន៍​ដ៏​គួរ​ឲ្យ​ព្រួយ​បារម្ភ​។