ចំណាត់ថ្នាក់​សេរីភាព​នៅកម្ពុជា​បន្តធ្លាក់ចុះ​បន្តទៀត​នៅឆ្នាំ​២០២១​នេះ​ ដោយ​ទទួល​បាន​ពិន្ទុ​តែ​២៤​​លើ​១០០​ ដែលមានន័យ​ថា​ ជា​ប្រទេស​គ្មាន​សេរីភាព​។ នេះ​បើតាម​អង្គការ Freedom House​។ ការ​ធ្លាក់​ចុះ​១ពិន្ទុ​បន្ថែម​ទៀតនេះ​ ដោយសារ​តែ​សិទ្ធិ​នយោបាយ​នៅ​កម្ពុជា​ទទួលបាន​តែ​៥ពិន្ទុ​លើ៤០ ​ខណៈ​សិទ្ធិស៊ីវិល​ទទួលបាន​តែ១៩​ពិន្ទុ​លើ​៦០។ ​ក៏ប៉ុន្តែ​មន្ត្រី​រដ្ឋាភិបាល​កម្ពុជា​ខាង​ផ្នែក​សិទ្ធិ​មនុស្ស​មិនទទួល​ស្គាល់​ការ​ដាក់​ចំណាត់ថ្នាក់​នេះទេ។