នៅក្នុងឆមាសទី១ក្នុងឆ្នាំ២០២០នេះ សមត្ថកិច្ច​កម្ពុជា​បង្ក្រាបបទល្មើសគ្រឿងញៀន​បាន​​ចំនួន​៥.៤៦៣​ករណី គឺ​បាន​កើន​ឡើង​​ចំនួន ១.២៨៨​ករណី ស្មើនឹង៣០.៨៥% បើប្រៀប​ធៀប​នឹង​ឆមាសទី១ក្នុងឆ្នាំ២០១៩។ សមត្ថកិច្ច​កម្ពុជា​ក៏បាន​ឃាត់​ខ្លួន​មនុស្សចំនួន១០.៨៧៧នាក់ គឺបានកើនឡើងចំនួន១.៩៦៦នាក់ ស្មើ​នឹង​២២.០៦% ក្នុង​នោះ​មាន​ជនជាតិ​ខ្មែរ​១០.៧០០នាក់ និងជនបរទេស១៧៧នាក់។ នេះបើតាមរបាយការណ៍របស់​អាជ្ញាធរ​ជាតិ​ប្រយុទ្ធ​ប្រឆាំង​គ្រឿង​ញៀន​ ។ បើ​តាម​របាយ​ការណ៍​ដដែល ការរឹបអូសគ្រឿងញៀនវិញ មានចំនួន២៦១គីឡូក្រាម គឺ​បាន​ថយ​ចុះ​៨០​គីឡូ ក្រាម​ ស្មើនឹង២៣,៤៣%។ តើកំណើននៃការបង្រ្កាបគ្រឿងញៀននេះ បង្ហាញពី​ប្រសិទ្ធភាព ឬ​អប្រសិទ្ធភាព​ការងារ​របស់​អាជ្ញាធរ​កម្ពុជា​?