ភាគី​វៀតណាម​កាល​ពី​ពេល​ថ្មីៗ​នេះ​ បាន​ស្នើ​ឲ្យ​ភាគី​កម្ពុជា​ដក​របាំង​នាំ​ត្រី​ពី​វៀតណាម​ចូល​កម្ពុជា​ ចំនួន​៤​ប្រភេទ​ ក្នុង​នោះ​មាន​ត្រីប្រា ​ត្រីពោ​ ត្រីអណ្តែង​ និង​ត្រីឆ្តោ​។ ក៏​ប៉ុន្តែ​ភាគី​កម្ពុជា​ កំពុង​បង្ហាញ​ហេតុផល​សម​ស្រប​មួយ​ចំនួន​ ដែល​ថា​ការ​បិទ​ជា​បណ្តោះ​អាសន្ន​ការ​នាំ​ចូល​ត្រី​ពី​វៀតណាម​នេះ​ គឺ​ធ្វើ​ឡើង​ដើម្បី​តម្រូវ​ទៅ​លើ​គោលការណ៍​ និង​ដំណោះស្រាយ​គ្រប់គ្រង​ប្រទេស​ និង​ប្រជាជន​របស់​ខ្លួន​ ឲ្យ​មាន​ស្ថិរភាព​នៅ​ក្នុង​អំឡុង​ពេល​នៃ​វិបត្តិ​កូវីដ១៩​នេះ​។