សង្គ្រាម​ពាណិជ្ជកម្ម​រវាង​ចិន​និង​សហរដ្ឋ​អាមេរិក បាន​ធ្វើ​ឲ្យ​ក្រុមហ៊ុន​ជប៉ុន​មួយ​ចំនួន​ធំ​បង្វែរ​ការ​វិនិយោគ​ពី​ចិន​មក​តំបន់​អាស៊ាន​វិញ​។ ក្នុង​នោះ ប្រទេស​វៀតណាម​និង​ថៃ​គឺ​ជា​គោលដៅ​សំខាន់​ជាង​គេ​។ នេះ​បើ​តាម​អង្គការ​ពាណិជ្ជកម្ម​ក្រៅ​ប្រទេស​របស់​ជប៉ុន ហៅ​កាត់​ថា JETRO។ ចំពោះ​កម្ពុជា​ដែល​គេ​មើល​ឃើញ​ថា មាន​ទំនាក់ទំនង​ល្អ​ជាមួយ​ជប៉ុន​ដែរ ប៉ុន្តែ​ការ​វិនិយោគ​របស់​ក្រុមហ៊ុន​ជប៉ុន​នៅ​កម្ពុជា​ហាក់​នៅ​មាន​កម្រិត​នៅ​ឡើយ​។ តើ​កម្ពុជា​គួរ​ធ្វើ​អ្វី​ខ្លះ​ដើម្បី​ទាក់ទាញ​វិនិយោគិន​ជប៉ុន​ឲ្យ​មក​ដាក់​ទុន​វិនិយោគ​នៅ​កម្ពុជា​ឲ្យ​បាន​កាន់​តែ​ច្រើន?