ក្រសួង​ការងារ​បាន​សម្រេច​ជា​ថ្មី​ ដោយ​តម្រូវ​ឲ្យ​កម្មករ​ និយោជិត​ ត្រូវ​ទៅ​ពិនិត្យ​កាយ​សម្បទា​មុន​ចូល​ធ្វើការ​ដើម្បី​ទទួល​បាន​អត្ថប្រយោជន៍​នៅ​ពេល​ពួកគេ​កើត​មាន​ជំងឺ​វិជ្ជា​ជីវៈ​។ អ្នក​នាំ​ពាក្យ​ក្រសួង​ការងារ​បញ្ជាក់​ថា​ នេះ​មិនមែន​ជា​រឿង​ថ្មី​ទេ​។ ប៉ុន្តែ​សេចក្តី​សម្រេច​របស់​ក្រសួង​ការងារ​នៅ​ថ្ងៃ​ទី​៣១​ធ្នូ​២០២០ ​គឺ​ថ្មី​ត្រង់​ថា​ កម្មករ​ និយោជិត​ ត្រូវ​ទៅ​ពិនិត្យ​កាយ​សម្បទា​រៀងរាល់​ពីរ​ឆ្នាំ​ម្តង​ ដែល​ពី​មុន​គឺ​ត្រូវ​ពិនិត្យ​មួយ​ឆ្នាំ​ម្តង​។ ពី​ខាង​សហជីព លើក​ឡើង​ថា​ កន្លង​មក​កម្មករ​កម្រ​ទទួល​បាន​អត្ថប្រយោជន៍​ដោយសារ​តែ​ជំងឺ​វិជ្ជា​ជីវៈ​នេះ​ណាស់​។