ក្នុង​រយៈ​ពេល​ពីរ​ថ្ងៃ​ជាប់ៗ​គ្នា​មក​ហើយ គឺ​ចាប់​ពី​ថ្ងៃទី ០៤ និងទី០៥ មេសា​នេះ ដែល​កម្ពុជា​មិន​មាន​ករណី​ឆ្លង​ថ្មី​នៃ​ជំងឺ​កូវីដ​១៩​នោះ​ទេ។ ការណ៍​នេះ បាន​ធ្វើ​ឲ្យ​តួ​លេខ​អ្នក​ផ្ទុក​ជំងឺ​កូវីដ១៩​នៅ​កម្ពុជា​ ស្ថិត​នៅ​ទ្រឹង​ គឺក្នុង​ចំនួន​១១៤​នាក់ ក្នុង​នោះ​ចំនួន​អ្នក​ជា​សះ​ស្បើយ​បាន​កើន​ឡើង​ដល់​៥០​នាក់​។ ចំណែក​ឯ​ចំនួន​អ្នក​កំពុង​ស្ថិត​នៅ​ក្នុង​ការ​ព្យាបាល​វិញ គឺ​បាន​ធ្លាក់​ចុះ​មក​នៅ​ត្រឹម​៦៤​នាក់​ប៉ុណ្ណោះ។ បើ​ដូច្នេះ តើ​កម្ពុជា​ចាំ​បាច់​ត្រូវ​ដាក់​ប្រទេស​ក្នុង​គ្រា​អាសន្ន​ដែរ​ឬ​ទេ បើ​ស្ថាន​ភាព​ជំងឺ​កូវីដ១៩​នៅ​កម្ពុជា​ ស្ថិត​នៅ​ក្នុង​ស្ថាន​ភាព​បែប​នេះ​?