បើ​ទោះ​ជា​មាន​ការ​អំពាវនាវ​ពី​ប្រមុខ​រដ្ឋាភិបាល​ កុំ​ឲ្យ​ពលករ​ខ្មែរ​ដែល​នៅ​ប្រទេសថៃ​វិល​មក​វិញ​នៅ​ពេល​នេះ​ក៏​ដោយ ​តែ​ពលករ​ខ្មែរ​មួយ​ចំនួន​នៅតែ​វិល​មក​កម្ពុជា​ជា​បន្តបន្ទាប់​កាល​ពី​ម្សិលមិញ​តាម​ច្រក​អូស្មាច់​ ខណៈ​ដែល​ជំងឺកូវីដ១៩​បានផ្ទុះឡើង​​ក្នុង​ខេត្ត​សាមុត​សាខន ​ដែល​មាន​ចម្ងាយ​ប្រមាណ​៣០០​គីឡូម៉ែត្រ​ពី​កម្ពុជា។ ស្ថិត​ក្នុង​ស្ថានភាព ​អ្នក​ធ្វើការ​ខាង​ពលករ​ចំណាក​ស្រុក និង​អ្នកជំនាញ​សុខភាព​ លើក​ឡើង​ថា​  ពលករ​ខ្មែរ​គួរ​តែ​បន្ត​ស្នាក់នៅ​ប្រទេស​ថៃ​ល្អ​ជាង​ការ​វិល​មក​កម្ពុជា​វិញ​នៅ​ពេល​នេះ​។