រដ្ឋាភិបាល​បាន​អនុម័ត​កញ្ចប់​ថវិកាជាតិ​សម្រាប់​ចាយវាយ​ក្នុង​ឆ្នាំ​២០២១​ខាងមុខ​ ប្រមាណ​៧,៥០០​លាន​ដុល្លារ​ ដែល​ថយ​ចុះ​១.៩%​ ធៀប​នឹង​ច្បាប់​ថវិកា​ឆ្នាំ​២០២០​។ បើ​តាម​រដ្ឋាភិបាល​កម្ពុជា​ ក្នុង​ចំណោម​ថវិកា​៧៥០០​លាន​ដុល្លារ​នោះ​ ក៏​មាន​ដែរ​ផែនការ​ខ្ចី​លុយ​ពី​បរទេស​ប្រមាណ​២​ពាន់​លាន​ដុល្លារ​ដើម្បី​មក​បង្គ្រប់​ ខណៈ​ផែនការ​ប្រមូល​ពន្ធ​នៅ​ឆ្នាំ​២០២១​នឹង​ថយ​ចុះ​រង្វង់​ជិត​១៧%​។ នៅ​ពេល​ថវិកា​ជាតិ​ត្រូវ​បាន​កាត់​បន្ថយ​នៅ​ឆ្នាំ​២០២១​ តើ​អាច​ជួយ​ស្តារ​សេដ្ឋកិច្ច​កម្ពុជា​បាន​កម្រិត​ណា​?