តម្លៃ​ម៉ាស​សម្រាប់​ពាក់​ការពារកូវីដ១៩ បាន​ហក់ឡើង​លើស​ពី​តម្លៃ​ធម្មតាជិត​ទ្វេរដង​ក្នុងមួយប្រអប់ បន្ទាប់ពី​មាន​​ព្រឹត្តការណ៍​​៣​វិច្ឆិកា ដែល​មន្ត្រីកម្ពុជា​បានឆ្លង​កូវីដ១៩ ពី​រដ្ឋមន្ត្រីការបរ​ទេស​ហុងគ្រី​។ ការហក់ឡើង​ថ្លៃម៉ាស​នៅ​ពេល​នេះ​គឺ​ដូចគ្នា​នឹង​កាល​ពី​ដើមឆ្នាំ​នេះ​ដែរ​ នៅ​ពេល​ដែលពលរដ្ឋ​​ភ័យខ្លាចពីការឆ្លងកូវីដ១៩ ហើយ​សម្រុក​ទិញ​ម៉ាស់​ប្រើប្រាស់​នោះ​។ ដើម្បី​ទប់ទល់​កុំឲ្យ​ម៉ាស​ឡើង​ថ្លៃ អ្នក​ឃ្លាំមើល​សង្គម លើក​ឡើង​ថា រដ្ឋ​គួរ​តែ​បញ្ចេញ​ម៉ាស​ដាក់​លក់​នៅលើទីផ្សារ​ក្នុង​តម្លៃសមរម្យ​ដើម្បី​ទប់ទល់ការតម្លើងថ្លៃ​ម៉ាស​របស់​ឈ្មួញ​ឯកជន ខណៈការ​អំពាវនាវ​កុំ​ឲ្យ​តម្លើង​ថ្លៃហាក់​ដូចជាគ្មាន​ប្រសិទ្ធភាព។