រដ្ឋាភិបាល​កម្ពុជា​បាន​សម្រេច​អនុញ្ញាត​ឱ្យ​ឈប់​សម្រាក​ចាប់ពី​ថ្ងៃ​ទី​១៧​ ខែ​សីហា​ដល់​ថ្ងៃ​ទី​២១​ ខែ​សីហា ​ជា​ការ​សង​ថ្ងៃ​ឈប់​សម្រាក​កាល​ពី​បុណ្យ​ចូល​ឆ្នាំ​ថ្មី​ប្រពៃណី​ជាតិ​ក្នុង​ខែ​មេសា​កន្លង​ទៅ​។ ប្រជាពលរដ្ឋ ​អ្នកធ្វើការ​ និង​មន្រ្តីរាជការ​បាន​សម្រុក​ចេញ​ទៅ​លេង​កម្សាន្ត​នៅ​តាម​ទី​រមនីយដ្ឋាន​នានា​នៅ​ក្នុង​ប្រទេស​កម្ពុជា​ក្នុង​អំឡុង​វិស្សមកាល​នេះ​។ អ្នក​តាមដាន​បញ្ហា​សង្គម​នៅ​កម្ពុជា​ បាន​លើក​ឡើង​ថា​ ប្រជាពលរដ្ឋ​ខ្មែរ​មួយ​ចំនួន​ហាក់​មិន​សូវ​យក​ចិត្ត​ទុក​ដាក់​ពី​បញ្ហា​ជំងឺ​កូវីដ​១៩​នោះ​ទេ​ ខណៈ​ជំងឺ​នេះ​នៅ​តែ​បន្ត​កើត​មាន​នៅ​ក្នុង​ប្រទេស​កម្ពុជា​ដែល​ជា​ករណី​នាំ​ចូល​។