ជំនួបរវាង ​លោក Dominic Raab​ រដ្ឋមន្ត្រីការបរទេស​អង់គ្លេស​ និងលោក ប្រាក់ សុខុន​ រដ្ឋមន្ត្រី​ការបរទេសកម្ពុជា​នៅទីក្រុងភ្នំពេញ ​កាលពីថ្ងៃពុធ​ ត្រូវបានប្រកាស​ឲ្យដឹងដោយភាគី​កម្ពុជា​ថាជំនួប​នេះទទួលបាន​លទ្ធផល​ជាវិជ្ជមាន​ជាច្រើន​។​ អ្វីដែលជាការ​ចាប់អារម្មណ៍​នោះ គឺកម្ពុជា​ក្នុងនាម​ប្រធាន​អាស៊ាន​នៅឆ្នាំក្រោយ​ និងជាម្ចាស់ផ្ទះរៀប​ចំកិច្ចប្រជុំ​កំពូលអាស៊ី-អឺរ៉ុប​ លើកទី១៣​ នៅចុងឆ្នាំនេះ ​បានគាំទ្រ​ដល់បំណង​របស់អង់គ្លេស​ ដែលចង់ក្លា​យជាដៃគូសន្ទនារ​បស់អាស៊ាន ​ក្រោយប្រទេសនេះ​ចាកចេញ​ពីសហភាពអឺរ៉ុប​។ ​ក្រៅពីនេះ​ ភាគីទាំងពីរ​ក៏បានជជែក​ពីទំនាក់ទំនង​ពាណិជ្ជកម្មទ្វេភាគី ​ការបន្តអនុគ្រោះពន្ធ​ GSPពី អង់គ្លេស ​ដល់កម្ពុជា ​និងមានការឯកភាព​បន្តធ្វើការជាមួយគ្នា​កាន់តែជិតស្និទ្ធ​ ទាំងនៅក្របខ័ណ្ឌ​តំបន់ និង​អន្តរជាតិ​។​ ក៏ប៉ុន្តែអ្នកវិភាគ​នយោបាយ ​និងសង្គម​នានា ​មើលឃើញ​ពីទិដ្ឋភាព​នានា​នៃជំនួបនេះ ​លើសពីនេះ។​