ក្រសួង​អប់រំ​យុវជន​ និង​កីឡា ​បាន​បញ្ជាក់​ជា​ថ្មី​ម្តង​ទៀត​ថា​ ការ​ប្រលង​សញ្ញាបត្រ​មធ្យមសិក្សា​ទាំង​២​កំរិត​ គឺ​ការ​ប្រលង​ឌីប្លូម​ និង​ប្រលង​បាក់ឌុប​ នឹង​ត្រូវ​ធ្វើ​ឡើង​ដូច​ការ​គ្រោង​ទុក​ នៅ​ចុង​ខែ​វិច្ឆិកា​នេះ​ និង​ចុង​ខែ​ធ្នូ​ខាង​មុខ​។ អ្វី​ដែល​ជា​ការ​កត់​សម្គាល់​គឺ​រដ្ឋមន្ត្រី​ក្រសួង​អប់រំ​ បាន​ថ្លែង​តាម​រយៈ​សន្និសីទ​កាសែត​ថា​ ការ​ប្រលង​នឹង​ធ្វើ​ឡើង​ដោយ​ផ្តោត​សំខាន់​ទៅ​លើ​គុណភាព​ ដូចជា​ការ​ប្រលង​សញ្ញាបត្រ​មុនៗ​ដែរ​ បើ​ទោះ​ណា​ជា​ឆ្នាំ​នេះ​ មាន​បញ្ហា​កូវីដ​កើត​ឡើង​ក៏​ដោយ​។ តើ​វា​អាច​ជា​ការ​រើស​អើង​ទេ​ ប្រសិន​បើ​ការ​ប្រលង​សញ្ញាបត្រ​មធ្យមសិក្សា​ទាំង​២​កំរិត​ នៅ​ឆ្នាំ​នេះ​មាន​ការ​បន្ថយ​ការ​រឹត​បន្តឹង​នោះ​?