អនុប្រធាន​អតីតបក្ស​សង្រ្គោះជាតិ​ គឺ​លោក​ប៉ុល ហំម ​ជា​អ្នក​នយោបាយ​ចុងក្រោយ​ដែល​បាន​ប្រកាស​ទៅ​ចូលរួម​ជាមួយ​គណបក្ស​កែទម្រង់​កម្ពុជា​បង្កើត​ឡើង​ដោយ​ក្រុម​អតីត​មន្ត្រី​បក្ស​ប្រឆាំង​មួយ​ចំនួន​។ មុននេះ ​ក៏មាន​មន្រ្តី​ជាន់​ខ្ពស់​នៃ​អតីត​គណបក្ស​សង្រ្គោះជាតិ​ខ្លះ​បាន​ស្នើ​សុំ​សិទ្ធិ​ធ្វើ​នយោបាយ​ឡើង​វិញ​ ហើយ​បាន​ទៅ​បង្កើត​គណបក្ស​នយោបាយ​ថ្មី​ ខណៈ​ខ្លះទៀត​បាន​ចូលរួម​ជាមួយ​គណបក្ស​ប្រជាជន​កម្ពុជា​។ ប៉ុន្តែ ​ក្នុង​ចំណោម​នេះ​ ការ​ជ្រក​ក្រោម​ដំបូល​គណបក្ស​កែទម្រង់​កម្ពុជា​តែ​មួយ​ហាក់​មាន​ចំនួន​ច្រើន​ជាងគេ​នៃ​មន្រ្តី​អតីត​គណបក្ស​ប្រឆាំង​។ ដូច្នេះ ​តើ​នេះ​ ជា​សញ្ញា​បង្ហាញ​ពី​ការ​បែកបាក់​សំឡេង​ប្រឆាំង​ ឬ​ក៏​ជា​សេរីណាយ៉ូ​នយោបាយ​?​