សៀមរាប​ដែលជាខេត្ត​ទេសចរណ៍​ធំបំផុត​របស់​កម្ពុជា​ត្រូវបាន​រដ្ឋាភិបាល​ផ្តល់វ៉ាក់សាំង​សម្រាប់​ការចាក់​ដល់ប្រជាពល​រដ្ឋ​នៅទីនោះ​ហើយ​។​ បើតាមអភិបាល​ខេត្តសៀមរាប​ គឺ ​ជំហានទី១​ នឹងចាក់ដល់​ប្រជាពលរដ្ឋ​ក្នុងក្រុង​សៀមរាប​ចាប់ពីថ្ងៃទី១០​ ខែកក្កដា ​ឆ្នាំ២០២១​ខាងមុខនេះ​ក្នុងរយះពេល​១៤ថ្ងៃ។​ ចំណែក ​ជំហានទី២​ គឺស្រុកទាំង១១​នៅទូទាំង​ខេត្តសៀមរាប​។​ ជាការកត់សម្គាល់​ តាំងពីកូវីដ១៩​បានវាយលុក​ចូលប្រទេស​កម្ពុជាមក​ ចំនួនភ្ញៀវទេសចរ​នៅក្នុងខេត្តសៀមរាប​បានធ្លាក់ចុះ​យ៉ាងគំហុក​។ ​ប៉ុន្តែ ​នៅពេលដែល​មានយុទ្ធនាការ​ចាក់វ៉ាក់សាំង​នៅក្នុងខេត្តនេះ​យ៉ាងដូច្នេះ​ តើវានឹងអាចជំរុញ​ឱ្យស្ថានភាព​ទេសចរណ៍​ងើបឡើង​វិញបានឬទេ​?​