លោក ​សម រង្ស៊ី ​និង​មន្ត្រី​ជាន់ខ្ពស់​អតីត​គណបក្សសង្គ្រោះជាតិ​៨​នាក់​ផ្សេង​ទៀត ​ត្រូវ​តុលាការ​ក្រុងភ្នំពេញកាត់ទោស​នៅ​ថ្ងៃទី១ ខែមីនា ​ឲ្យ​ជាប់ពន្ធធនាគារ​ពី​២០​ដល់​២៥ឆ្នាំ​ ពី​បទឧបឃាត​។ ភ្លាមៗ​បន្ទាប់​ពី​ការ​សម្រេច​របស់​តុលាការ​ អង្គការ​អន្តរជាតិ​ និង​អ្នក​ជំនាញ​របស់​អង្គការ​សហប្រជាជាតិ​ បាន​បង្ហាញ​ប្រតិកម្ម​ និង​បាន​អំពាវនាវ​ឲ្យ​រដ្ឋាភិបាល​ផ្តល់​សិទ្ធិ​ធ្វើ​នយោបាយ​ឲ្យ​ពួកគេ​ឡើង​វិញ​។ យ៉ាង​ណា​ក៏​ដោយ​មាន​ការ​ចោទ​សួរ​ថា​តើ​ការ​កាត់​ទោស​ លោក​ សម រង្ស៊ី ​និង​មនុស្ស​ស្និទ្ធ​នឹង​លោក ​អាច​ជា​ការ​បំបែក​ក្រុម​នេះ​ឲ្យ​ចេញ​ឆ្ងាយ​ពី​លោក​ កឹម សុខា​?